«Тарих тағылымы Сапар Ысқақовпен»

«Тарих тағылымы Сапар Ысқақовпен» жобасында еліміздің тарихында ерекше орын алған батыр бабаларымыз туралы көп айтып келеміз. Солардың бірі - Сарыхан (орыс деректерінде Шарукан деп аталады). Қыпшақ хандары ішінде елді (1068-1107) көп жыл басқарған әйгілі батыр.

Шамамамен XI-XII ғасырларда өмір сүрген. Ол өзі ел бастап көшкенде және жорық кезінде ақыл-парасатымен көзге түскен.
Сары ханның әулеті 150 жылдай билік жүргізген. Өздерін шығу тегі бойынша, «айдаhардан» таратып, «айдаhарға» табынатын кимек тайпасынан шыққан. Сондықтан оларды көрші тайпалар «ұранқайлықтар» деп жиі атайтын болған.

Сары хан көршілес орыс князьдерімен жақсы қарым-қатынас жасаған. Бірақ, бірін-бірі күндеген орыс князьдерінен мезі болған Сары хан, 12 мың қол жинап, 1068 жылы Киевке аттанады. Мұздай қаруланған қыпшақ әскерінен қорыққан Киев князінің жасағы тым-тырақай қашып кетеді. Ол Киев қаласын алса да, өзінің даладағы өміріне қайта оралады.

#Бабаларізімен #СапарЫсқақов #Дештіқыпшақ #тарих #қыпшақ