Top Channel/ Aksident apo vrasje? Vlorë, policia flet për aksident, familjarët e viktimës në dyshime

Një 63 vjeçar në Vlorë pronar i një agjencie turistike i identifikuar si Nadir Gjata ka humbur jetën mëngjesin e kësaj të hëne në rrethana ende të paqarta.

Ai ka dalë nga porti rreth orës 4 të mëngjesit dhe në vendin e quajtur kapelja në lagjen 28 nëntori është përfshirë në një aksident ku ka mbetur i vdekur.

Policia ka dyshime se për arsye shëndetësore 63 vjeçari ka humbur kontrollin mbi drejtimin e automjetit tip “Ford Fiesta”, për pasojë automjeti i tij ka përplasur një taksi të parkuar duke dëmtuar dhe 2 mjete të tjera të parkuara.

Por familjarët e Nadir gjatës kanë dyshime se vdekja nuk është aksidentale. Nisur nga mungesa e çantës së dorës së viktimës ata dyshojnë se ai është aksidentuar dhe grabitur.

Nga ana tjetër policia ka thirrur në komisariat dëshmitarët që i dhanë ndihmën e parë pas aksidentit 63 vjeçarit dhe po këqyr pamjet e kamerave të sigurisë në zonë.

Trupi i pajetë u transportua në morg, për kryerjen e ekspertizës mjekoligjore, për të përcaktuar shkakun e humbjes së jetës. Nga këqyrja paraprake e trupit, eksperti mjekoligjor nuk ka konstatuar shenja dhune.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Aksident#Vlore#TopChannelNews

[defrimcenaj]

Ngushellime famiglies, pushofsh ne paqe Miku im 😢😢🙏🙏