Tv Klan - Biden mban fjalimin e lamtumirës

Me thirrjen për të bërë çmos për të mposhtur Donald Trumpin, Presidenti amerikan Joe Biden dha përpara delegatëve të Konventës së Demokratëve arsyen pse vendosi të tërhiqej nga gara presidenciale e 5 Nëntorit.

“E dua detyrën time, por dua më shumë vendin tim”.

Duke lënë të kuptohet se e kishte të pamundur t’ia dilte rivalit republikan, Biden argumentoi pse propozoi zëvendësen e tij Kamala Herris për këtë garë.

“Ishte vendimi më i mirë i gjithë karrierës time. Ajo është e ashpër, me përvojë dhe ka integritet të jashtëzakonshëm”.

Konventa 4-ditore nisi me fjalën e Kamala Herrisit, e cila do të pranojë nominimin përballë rreth 4 mijë delegatëve të enjten. Ajo u prit me duartrokitje të gjata.

Në fjalën e saj, Herris shprehu mirënjohje për Joe Biden, të cilin e vlerësoi lidershipin e tij, që e konsideroi historik për Shtetet e Bashkuara.

Herris do të pranojë të enjten, përpara 4 mijë delegatëve demokratë, nominimin si kandidate e tyre për presidente.

Deri atë ditë, në konventën e Çikagos do të kenë folur figura të shquara të demokratëve që nisën nga Hilary Clinton në ditën e parë e ku janë parashikuar edhe Barack e Michel Obama, që po ashtu pranuan të mbështesin Herrisin.
SUBSCRIBE to “RTV KLAN” on YouTube for more videos!