Tv Klan - PD: Zgjedhja e kreut të SPAK, proces i njollosur | Lajme News

Partia Demokratike ndryshe nga ambasada amerikane dhe kryeministri Edi Rama, jo vetëm që nuk është e kënaqur për zgjedhjen e kreut të ri të SPAK-ut, por përkundrazi e vlerëson të gjithë procesin të njollosur dhe të pabesueshëm.

“SPAK ka patur mjaftueshëm kohë për t’i dhënë prova publikut të kundërtën duke konsumuar mandatin e një drejtuesi. Një ‘pallat drejtësie’ në korridoret e të cilit shkon për të bërë ekskursione dhe për të dhënë direktiva kryeministri, nuk është as i pavarur, as i lirë dhe as i ndarë nga pushteti ekzekutiv.”

Pabesushmërinë e SPAK-ut, demokratët e shohin tek moshetimi i shumë çështjeve ku implikohen zyrtarët socialialistë që struktura e posacme duhet të kishte hetuar e që se kanë bërë, ndaj për ta, SPAK është thjeshtë një seksion i Partisë Socialiste. Të njëjtat akuza artikuloi gjatë daljes së tij në mesditë dhe kryedemokrati Berisha.

“Le ta hetojë njëmijë herë, por të thërrasësh një ministër për dokument që dihet qartësisht i falsifikuar, është turp. Ai duhet të shihte padinë që ka bërë ministri, që shkrimi s’është i imi. Por nuk bëjnë se kanë urdhër partie”.

Kryeministri, sipas Berishës ka nën kontroll çdo organ kushtetues që me ligj duhet të ishte i pavarur, mes të cileve dhe SHISH-in, institucion që drejtohet nga numri 2 pasi drejtuesi Helidon Bendo ndodhet për një specializim në Shtetet e Bashkuara të Amerikës.

“Ja mbyll derën si bandit. Në qoftë se Helidon Bendo është i dyshuar i rekrutuar nga shërbimet e vendeve partnere, ai shkon në gjyq padiskutim. Ama, të përdorësh bashkëpunimin, shkëmbimin e informacionit, si dëshmi për rekrutim, kjo nuk mund të ndodhë”.

Berisha di dhe qëllimet e Edi Ramës që siç thotë, po synon të mbikëqyrë çdo bashkëpunëtor dhe partner ndërkombëtar.

SUBSCRIBE to “RTV KLAN” on YouTube for more videos!

[vloranetwork]

Po se duhet të kishin zgjedh ndonjë mikun e këtij korruptit prandaj s'esht dakort . Perëndoj koha për ty o Sali ziu . Prandaj je stresuar e je bërë nervoz kohët e fundit se po të afrohet dita

[elieli]

Berishen t'a hetoj Dumani dhe te fitoj ne burg