Klan News - Rriten tensionet, Kina kërcënon SHBA

Показать описание

Ministri i Jashtëm i Kinës deklaroi se marrëdhëniet me SHBA kanë "devijuar seriozisht", duke paralajmëruar konflikt dhe konfrontim, nëse Uashingtoni nuk ndalet në politikën për të shtypur Kinën. Tensionet duket se janë shtuar më shumë pas kapjes së balonave spiune pak kohë më parë.

“Nëse Shtetet e Bashkuara nuk ndalen, por vazhdojnë të zgjedhin rrugën e gabuar, asnjë masë mbrojtëse nuk mund të parandalojë daljen nga shinat, të cilat do të shndërrohen në konflikt dhe konfrontim dhe kush do të mbajë përgjegjësi në fund për pasojat katastrofike?”

Kjo deklaratë kërcënuese e bërë nga ministri i Jashtëm i Kinës shton më shumë tensionet në raportet mes SHBA dhe Kinës.

"Perceptimi dhe pikëpamjet e Shteteve të Bashkuara për Kinën janë shtrembëruar seriozisht," tha Qin, duke shtuar se Uashingtoni "e konsideron Kinën si rivalin e saj kryesor dhe sfidën më të rëndësishme gjeopolitike".

SHBA sipas tij gjithmonë flasin për një rend botëror të bazuar në rregulla, por më pas nuk i ndjek ato rregulla duke përdorur shembullin e dy atletëve që konkurrojnë në një garë ku “njëra palë, në vend që të fokusohet në dhënien e më të mirës, gjithmonë përpiqet të pengojë” vrapuesin tjetër.

Komentet e ministrit të Jashtëm erdhën pasi presidenti i Kinës Xi Jinping dënoi atë që ai e përshkroi si "shtypje të Kinës" të udhëhequr nga SHBA në një fjalim para delegatëve që ndoqën seancën vjetore parlamentare të Kinës.

"Vendet perëndimore të udhëhequra nga Shtetet e Bashkuara kanë zbatuar kontrollin, rrethimin dhe shtypjen e gjithanshme të Kinës, gjë që ka sjellë sfida të rënda të paprecedentë për zhvillimin e vendit Kinës," deklaroi Xi Jinping.

Marrëdhëniet u përkeqësuan edhe më shumë muajin e kaluar kur SHBA-ja rrëzoi një balonë kineze, për të cilën u tha se po përdorej për mbikëqyrje një pretendim i mohuar ashpër nga Pekin

SUBSCRIBE to "RTV KLAN" on YouTube for more videos!
#KlanNews #KlanNewsLajme #TvKlan