Top Channel/ Mjekësia, protestojnë studentët: Jo punësimit me detyrim pas studimeve

Studentët e Fakultetit të Mjekësisë protestuan këtë të hënë kundër diskutimeve të qeverisë që ata të lidhin kontrata punë pas përfundimit të studimeve.

Studentët kërkuan nga shteti që të ketë zgjidhje efektive dhe jo t’i detyrojë të punojnë në Shqipëri tri vite pas përfundimit të studimeve.

“Standard, jo diktaturë”, ishte thirrja e të rinjve përpara Rektoratit të Mjekësisë.

“Ne nuk duam të ndihemi të kushtëzuar, e vendosim vetë se çfarë do bëjmë me jetën tonë. Ne duam të rrimë këtu, të ikim jashtë, është puna jonë dhe askush tjetër”, thanë studentët.

Disa ditë më parë, ministrja e Arsimit, Evis Kushi së bashku me ministren e Shëndetësisë, Ogerta Manastirliu, prof. Arben Gjata Rektor i UMT dhe prof. Xheladin Draçini, Dekan i Fakultetit të Mjekësisë, zhvilluan një takim të parë konsultativ me studentë të Fakultetit të Mjekësisë, me qëllim punësimin dhe kontributin e tyre në atdhe pas përfundimit të studimeve, për një periudhë të caktuar kohore.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#FakultetiMjekësisë#Protestë#TopChannelNews