DD News Mizoram Chanchinthar | 12 March 2025 | 6:30 PM

6:30 Headlines :

1. Agriculture Minister Pu PC Vanlalruata chuan Sawhthing chu sorkarin kg-ah Rs. 50-in a leisak thu sawiin, support price-a kalpui an tum thu leh India ramah sawhthing man a hniam thu a sawi.

2 . Vawiin Mizoram Legislative Assembly thutkhawmah Power Minister Pu F Rodingliana chuan Tuirini Hydroelectric Power (HEP) - 24 MW DPR siam zawh tawh thu leh Tuivai HEP - 210 MW DPR ennawn mek a nih thu a sawi .

3.Sports Minister Pu Lalnghinglova Hmar chuan 'Bana Kaih- Empowering Mizoram Sports' chu Mizoram chhunga khaw tinin an chhawr theih tura kalpui tum a nih thu a sawi .

4. Mizoram Pradesh Congress Committee chuan Assembly Sessiona Chief Minister in Congress MLA Pu C Ngunlianchunga chungchang a sawi dan chu an dem thu sawiin, ngaihdam dil turin an phut tih an sawi .

5. Home Minister hlui Pu Lalchamliana chuan Chief Minister Pu Lalduhoma'n Assam Rifels ten an hmun hma an chhuahsan na turah Sawrkar hmasa in Inremna a lo siam pui tawh, pawmtlak lo anga a sawi chu sawrkar hmasa beihna a ni a ti .

6. Zoram Peoples Movement Thalai Pawl chuan Mizoram Assembly Session neihlai tibuai zawnga awmkhawm phallohna hmuna Congress mi leh sa an inhawrkhawm chiam mai chu Dan zahlohna lian takah a ngai tih an sawi .

7. Electric hman man thar siam tur chungchanga mipui aṭanga rawtna lut chu vawiin khan Mizoram Electricity Regulatory Commission chuan a ngaihtuah a, kum tharah pawh electric hman man tihsan rawtna lut a awm lo.

8. Pianphunga Rualbanlote tan, an themthiamna hrang hrang entirna leh intihhlimna hun bakah an thil siamte zawrh chhuah na hun "Purple Fair, chu AR LAmmualah neih a ni.

9. Prime Minister Narendra Modi leh Mauritius Prime Minister Ramgoolam-te'n thawhdunna tur inremna 8 an ziak.

10. Prime Minister Narendra Modi chu vawiina Mauritius National Day lawmnaah khualzahawm a ni dawn.

11. President Murmu-in Panjab University convocation vawi 72-na a hmanpui.

12. Finance Minister Nirmala Sitharaman chuan Manipur tan Contingency Fund dinna tur cheng vaibelchhe 500 a puang.

13. Sorkarlaipuiin Southeast Asia-a cybercrime centre hrang hrang atangin India mi 266 him takin a hruai haw.

14. Ukraine chuan Russia-nen ni 30 chhung inkahhai lailawk a remti a, Russia chhanletna a ngaichang mek a ni.

Follow DD Mizoram:

[CVanlalmawia]

Power manba anrulfel chu sawrkar thar antitha hle mai.🤝👍👍

[davidlalrohlua]

Congress thalai te zonunzia mawi intirdanhi vaichezia nun aw😂 congress zia diktak inrawn lanchuah tir bawk e😁

[ZorammawiaValtea]

Angaih nawm thin mange iaw angaih nuam e,

[PekiRalte-gk]

Tuna kan cm chu adik aniang dorawn ahlawh emai

[lalahrahsel]

DD News nge nge min ti bengvar thin e....

[PekiRalte-gk]

Khaw thlang lam hi electric bill hi kan chawitam thin khawp mai hma rawnla ve teh u sorkar hian