DD News Mizoram - Chanchinthar | 27 September 2024 | 6:30 PM

HEADLINES:

1. Ni hnih awh tur Commonwealth Parliamentary Association (CPA), India Region, Region Zone - III Annual Conference vawi 21 na chu vawiin atang khan Mizoram Legislative Assembly Session Hall-ah neih a ni.

2. Lok Sabha Speaker Om Birla-a'n vawiin khan Mizoram Legislative Assembly Library-a Archive Cell thar a hawng.

3. Home Minister Pu K Sapdanga'n vawiin khan Dungtlang Police Station tlawhin thawktute nen venhimna kawnga hmalakna tha zawk neih dan tur an sawiho.

4. EF&CC Minister Pu Lalthansanga'n vawiin khan National Institute of Electronics and Information Technology (NIELIT) 'Freshers Social & Felicitation of Rankholders' a hmanpui.

5. Irrigation & Water Resources Minister Pu PC Vanlalruata'n Irrigation & Water Resources Department Staff Welfare Association of Mizoram (ISWAM) General Body Meeting vawi 8-na vawiin khan a hmanpui.

6. Commerce & Industries Minister Pu F.Rodingliana'n ‘International Conference on MSMEs in North East’ hmanpuiin, Mizoram sorkar chu MSME te tan a inhawn zau thu a sawi.

7. AIR leh DDK thawktute'n vawiin hian thuthar thehdarhtute hmaah a thlawna chanchinthar, thuziak leh thlalak bakah video an lakchhawn theihna tura duan PB-SHABD chungchang an sawifiah.

8. Aizawl District Bawrhsap Pu Lalhriatpuia'n vawiin khan Nasha Mukt Bharat Abhiyaan, Aizawl District hnuaia Master Trainers Training on 'Drug Abuse Prevention among women' a hmanpui.

9. Akashvani Aizawl buatsaihin vawiin khan Hindi Diwas pualin Hindi Fortnight kharna hun hman niin, recitation, zai leh incheina hmangin intihsiakna neih a ni.

10. Swachhata Hi Seva 2024 kalpui mek leh Faina Hapta (Cleanliness Week) 2024 pualin sorkar department hrang hrang chuan vawiin khan an pisa leh a chhehvel tihfai runpui hnatlang an nei.

11. ‘Best Tourism Village Competition 2024’-ah Sialsuk khua chuan "Community Based Tourism" huangah Best Tourism Village lawmman a dawng.

12. Prime Minister Narendra Modi chu ramchhunga semiconductor siamchhuahna turah Tata Sons leh Powerchip Semiconductor Manufacturing Corporation, Taiwan hotute nen an inkawm.

13. Rampuma Ek Ped Maa Ke Naam hmalakna hnuaiah thing tiak vbc 80 chuang phun a ni.

14. Railway Minister Ashwini Vaishnaw chuan kutpui lo thleng tur pualin rel a tlan belhtir dawn.

15. Delhi Assembly Speaker in Anti Defection Law hmangin AAP MLA pahnih a ban.

16. Prime Minister Narendra Modi-a'n thla tina ram mipuite hnena thuchah a sawina 'Mann Ki Baat' chu tun Pathianni Dar 11 hian chhuah a ni dawn.

17. Khawvel pumah World Tourism Day hman a ni.

18. India, Brazil leh South Africa ten firfiakpawl Al-Qaeda, ISIS, LeT, JeM laka beihpuithlak nasa lehzual turin thawh ho an rel.

Follow DD Mizoram:

[rolianabualchhuak]

Ngaihnawm hle thin mai, mit leh beng a var phah thin e.

[ZosangaSanga]

Doordarshan programs tantur hi a bengchheng ruai ruai thin khawp mai hei aia zawi deuh zawk hian a tihtheih lawmmaw ni le aw?

[Vanlalbiaki-bjof]

Mizoram a tanga burma a Diesel leh petrol lak luh hi phal a mi

[vanlalchhuangatochhawng]

Loneitu te hian thing may eng zat nge an suat

[vanlalchhuangatochhawng]

Lo neimi te vanah kaih an ni ve a ngem