MİLLİ MƏCLİS PREZİDENTƏ VƏ XALQA MÜRACİƏT EDİB

“Noyabrın 10-da imzalanan bəyanat Cənubi Qafqazda münaqişəyə son qoyub və yeni inkişafa yol açıb”. Milli Məclis adından Ali Baş Komandan İlham Əliyevə və Azərbaycan xalqına edilən müraciətdə belə deyilir. Qeyd edilir ki, son 100 ildən artıq dövrdə Azərbaycan xalqı erməni şovinist qüvvələrin etnik təmizləmə və işğalçılıq siyasətinin qurbanı olub. Bu il sentyabrın 27-də isə Ermənistan rəhbərliyi Azərbaycana qarşı növbəti təxribata əl atıb. Bu təxribata cavab olaraq ordumuz əks-həmlə əməliyyatına başlayıb və düşmənin uzun illər ərzində qurduğu istehkamları darmadağın edib. Müraciəti millət vəkili Nigar Arpadari səsləndirib.
Millət vəkilləri tarixi qələbənin əhəmiyyətindən danışıblar. Bildiriblər ki, biz bu gün tariximizin ən möhtəşəm və yadda qalan günlərini yaşayırıq.