Төрүт вальса

Төрүт вальса. Виталий Андросов тыллара & мелодията.

***
Мин күндү доҕорум,
Эрэнэр мин киһим,
Эйиэхэ күннээҕи чуумпугар
Биир түгэн кэриэтэ
Биир санаам ымыытын
Биир матыып, биир матыып
Оҕотун аныыбын.

Туура суох соҕотох
Тулаайахсыйбыттыы
Туттума дуу
Аттыгар мин баарбар.

Хараҥа түүн кылгыа,
Хаҕыс да тыал намтыа
Эн биһикки сылаас
Ытыспыт суоһугар.

Көтөҕүөх бакаалы,
Көй кыынньар һампааны.
Күүтүүлээх үөрүүбүт үрдүөхтүн!
Саҥа дьыл түүнүгэр,
Саҥа дьол үөһүгэр
Сиэттиһиэх, саймаарыах
Иһийиэх, үҥкүүлүөх.