Кўпкари ва чавандозлар тарихи | Qadriyatlar beshigi

"Қадриятлар бешиги" кўрсатуви
"Ўзбекистон тарихи" телеканали
Кўпкари – кўпнинг иши. Уни ташкил этиш, ғолибларни муносиб баҳолаш, томошага келган элга ош тарқатиш анча мушкул иш. Сайиллар, ҳосил байрамлари, Наврўз ва тўйларда юзлаб чавандозлар иштирокида кенг далаларда завқли ўйинлар уюштирилган. Бу байрамларда кўпкари билан бирга кураш, човғон, арқон тортиш ва хўроз уриштириш каби ўйинлар ҳам ўтказилган.
Кўпкари оддий кўнгилочар ўйин эмас, у эрни эр қиладиган, унда мардлик, жасурлик, эпчиллик ва довюракликни шакллантирадиган жиддий машғулот. Асосий масала совринга қўйилган қимматбаҳо нарса эмас, аксинча, баковулнинг адолати, номдор чавандознинг абжирлиги, ҳақиқат ғалаба қозониши, омад доим мардники бўлишидир.
Қадим-қадимдан халқаро миқёсда ўйналиб келинадиган кўпкари бироз муддат тақиқларга дучор бўлди. Бугун бу ўйинга нисбатан барча тақиқ ва чекловлар олиб ташланган. Чавандозлар қадларини баланд кўтариб, миллий ва қадимий спорт тури билан шуғулланишда давом этмоқда.