Top Channel/ Arrestohen 8 shoferë dhe pezullohen dy leje drejtimi në Gjirokastër

Gjatë dy javëve të fundit në qytetin e Gjirokastrës janë arrestuar 8 drejtues automjeti, janë proceduar në gjendje të lirë 14 persona si dhe janë pezulluar dy leje drejtimi për shkelje të ndryshme të rregullave të qarkullimit.

Janë ndëshkuar 481 drejtues mjetesh, për parakalime të gabuara. 49 shoferë janë ndëshkuar për mos vendosje të rripit të sigurimit dhe 718 të tjerë për për ndalim ose pushim të automjetit, në kundërshtim me sinjalistikën rrugore.

“Policia Rrugore e Gjirokastrës, e pranishme 24/7, në akset që të çojnë në pikat turistike të qarkut, në ato urbane dhe në ato rurale.

Gjithashtu, kontrolle të shtuara, me pajisje bashkëkohore logjistike, me qëllim parandalimin e aksidenteve rrugore me pasoja për jetën e përdoruesve të rrugës, për rritjen e parametrave të sigurisë rrugore dhe për të lehtësuar qarkullimin gjatë sezonit turistik.

Gjatë 2 javëve të fundit, janë arrestuar në flagrancë 8 drejtues automjeti, janë proceduar në gjendje të lirë 14 të tjerë, si dhe janë pezulluar 2 leje drejtimi, për shkelje të ndryshme të rregullave të qarkullimit rrugor.

Si rezultat i monitorimit të të gjitha akseve rrugore të qarkut, me shërbime të shtuara dhe me pajisje të logjistikës bashkëkohore:

-Janë ndëshkuar 481 drejtues mjetesh, për parakalime të gabuara;

-Janë ndëshkuar 49 drejtues automjetesh, për mosvendosjen e rripit të sigurimit;

-Janë ndëshkuar 718 drejtues automjetesh, për ndalim ose pushim të automjetit, në kundërshtim me sinjalistikën rrugore.

Policia Rrugore e Gjirokastrës vijon kontrollet në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore. Gjithashtu, apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të kallëzojnë në numrin pa pagesë 112, çdo rast të shkeljes së tyre”, thuhet në njoftimin e policisë.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Gjirokaster#Policia#TopChannelNews