Top Channel/ Aksidenti me tre viktima në Fier, shkak parakalimi

Drejtuesi i mjetit tip “Opel Zafira” që u përfshi natën e kaluar në aksident me mjetin tip “Ford”, ku tre persona ndërruan jetë, është arrestuar këtë të premte.

Aksidenti shkaktoi tre viktima: punonjësi i FNSH-së Sokrat Lelaj; 54 vjeç gruaja e tij Fatbardha Lelaj, 53 vjeçe dhe e ëma e saj, 78-vjeçarja Bylyre Salaj.

Viktimat, Sokrat dhe Fatbardha Lelaj

Në mjetin tip ‘Opel’ që drejtonte Gerti Skënderaj, 43-vjeçari nga Cakrani, ndodhej bashkëshortja dhe vajza e tyre 6 vjeçe, që ndodhen në gjendje të rëndë shëndetësore.

Sipas policisë së Fierit, parakalimi i gabuar i automjetit që drejtohej nga Skënderaj, ka bërë që dy makinat të përplasen kokë më kokë. 43-vjeçari, që ndodhet në spital, do të hetohet për veprën penale “Shkelja e rregullave të qarkullimit rrugor”.

Makinat u përplasën në fshatin “Buzëmadh”, në aksin rrugor Levan-Tepelenë në Fier. Ende nuk dihen shkaqet, po goditja ka qenë aq e fortë, sa njëri prej mjeteve përfundoi në një arë poshtë rrugës.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Aksident#Fier#TopChannelNews