Lyric chanson langue fe'efe'e (Nufi): Ghə̀ə̄lɑ̄' yōh mɑ̀mbīē : Nos Langues se perdent

Lyric de la chanson de notre frere artiste musicien, Divy Labil

Ghə̀ə̄lɑ̄' yōh mɑ̀mbīē
Ghə̀ə́lɑ́' pə̀' mbɑ̌ mēmmɑ̄ ò
Mɑ̄nŋáh yò ghə̀ə̄lɑ̄' mbɑ̀!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Pʉ̄nkhʉ́ɑ́ nzɑ̄ mɑ̀ pó lǎh ghə̀ə̄ ndāk ngʉ́ yɑ̀ɑ̀ ghə̀ə̄lɑ̄' ēēēē!

Ghə̀ə̄ flàŋsí nzɑ̄ mɑ̀ yáá lǎh zʉ̀' tɑ̀ ndáh wǎ'!
Ghə̀ə̄ ngrǐsì mɑ̀ nkwèè ngə̌' tʉ́ɑ́ tɑ̌ thʉ́ nɑ́ nkwèè mbə̀' nù wǎ'!
Pɑ̀mbɑ̄' pí pɑ̀mɑ̄ mɑ̄ntɑ̄h pōō mbɑ̄ mɑ́ pí ghə̀ə̄ ndāk ō ō ō!
Mɑ̄ndɑ́h làh mɑ̀nzhī'sī yɑ̄ɑ̄ Ghə̀ə̄lɑ̄' yōh, ghə̀ə̄ fè'éfě'è
Sə̀ə̄ móó lɑ̀bɑ̄ kònŋáh mbɑ̀ ndɑ̌' mēnsə̀ə̀ yāā ō ō ō!
Nkwèè pōō wǎ' mɑ̄nshwī sì mɑ̄nzhī mbèé ngràfī!
Nkwèè pō wǎ'!
Nkwèè zhímbʉ́ɑ́ pɑ̀mbɑ̄', pɑ̀mfhʉ́sīē pō wɑ̄' wǎ'!
Wěn mɑ̀ngén mɑ̀ hɑ̄, pèn sōk ā lɑ́ ɑ̀!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Pʉ̄nkhʉ́ɑ́ nzɑ̄ mɑ̀ pó lǎh ghə̀ə̄ ndāk ngʉ́ yɑ̀ɑ̀ ghə̀ə̄lɑ̄' ēēēē!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Pʉ̄nkhʉ́ɑ́ nzɑ̄ mɑ̀ pó lǎh ghə̀ə̄ ndāk ngʉ́ yɑ̀ɑ̀ ghə̀ə̄lɑ̄' ēēēē!

Ngɑ̌ ntōm mɑ̀ hɑ̄,
Lɑ̄' yōh mɑ̀ hɑ̄,
Móó ntə́'sí mbí mbɑ̄' ā!
Ndáh yì nzhì ndáh ngén kwɑ̀' mbèé lɑ́' cɑ̀'sǐ mɑ̄ ā ndāmɑ̀ ēēēē!
Yéé shʉ̀ɑ́nù lēē mōō kwēn mbèè lɑ́ nzhīē mbǔ'ntōk!
Yéé shʉ̀ɑ́nù lēē mōō tāmsī nā ī nkwèè līē' mɑ̄mbāk èèèè!

Mɑ̄ ā ndāmɑ̀ lēn mbú í mɑ́ á ghèn nŋɑ̄' kā', à ghēn nŋɑ̄' càk èèèè!
Ngə́ə́ mbú í mɑ́ á ghèn ntū' nshǐ píí ǎ lɑ̀ yū' sə̀ə̄wū!
Mbɑ̀ mɑ́ á tōm ndʉ̄ɑ̄ nŋɑ̄' ká' wúzɑ̄, ǎ lɑ̀ yū' mbɑ̀ yū' ēēēē!
Shʉ̀ɑ́nǔ mbí "mam̀ī", shʉ̀ɑ́nǔ mbí "mam̀ī", "màmī" fīī nsāt!
Shʉ̀ɑ́nǔ mbí "mam̀ī", shʉ̀ɑ́nǔ mbí "mam̀ī", "màmī" yū' sìpə̀'!
Mbɑ̀ mɑ́ á ghěn mɑ̄nzhì njwēn wú mbú ì, ǎ lɑ̀ yū' sə̀ə̄wū!
Mbɑ̀ mbʉ́ɑ́ sōk shwītōk nǔ mbú ì, "màmī" yīī yǐ mɑ́ ngʉ̄ɑ̄'

Shʉ̀ɑ́nǔ mbí "mam̀ī", shʉ̀ɑ́nǔ mbí "mam̀ī", "màmī" fīī nsāt!
Shʉ̀ɑ́nù tɑ̀ mbə̄h!
Shʉ̀ɑ́nǔ mbí "mam̀ī", shʉ̀ɑ́nǔ mbí "mam̀ī", "màmī" yū' sìpə̀'!
Kɑ́ nù béè!

Wěn mɑ̀ngén mɑ̀ hɑ̄, pèn sōk ā lɑ́ ɑ̀!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Pʉ̄nkhʉ́ɑ́ nzɑ̄ mɑ̀ pó lǎh ghə̀ə̄ ndāk ngʉ́ yɑ̀ɑ̀ ghə̀ə̄lɑ̄' ēēēē!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
" Il ne se fait jamais trop tard pour apprendre sa langue maternelle mon ami"
Cīcō'ò pɑ̀mbɑ̄',
Cīcō'ò pɑ̄mɑ̄
Pèn zhī'sī pʉ̄nkhʉ̄ɑ̄ ghə̀ə̄lɑ̄' yīī
Mɑ̄ntə̄h yɑ̄ɑ̄, mɑ̄ndɑ́'sí yɑ̄ɑ̄ mbə̀' mɑ̄nzhì!
ɑ́ pó sì pīē
Mbɑ̀ pěn sì pīē
ɑ́ ghə̀ə̀ yōh ghén tɑ̌ thʉ̄, yáá sì pīē!
ɑ́ mbə̀'nthʉ́ pɑ̀mfhʉ́sīē yōh dhí sǐ' sīē!
ɑ́ zhímbʉ́ɑ́ pɑ̀mbɑ̄' yòh pátnjǎm síé mbɑ̀ lɑ̄ ō ō ō!

Ghə̀ə̄lɑ̄' yōh mɑ̀mbīē ēēēē!
Ghə̀ə̄lɑ̄' yōh mɑ̀mbīē ēēēē!
Mɑ̄mbīē yǐ tɑ̀ ndɑ̀'!
Pɑ̀mbɑ̄' pèn ghə́ə́ nǔ nā lɑ́ ɑ̀!
Ghə̀ə̄lɑ̄' yōh mɑ̀mbīē ō ō ō!
Yéé yò wɑ̄!
Hōōoò!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Mbɑ̀ mbʉ́ɑ́ sōknù pí mēmmɑ̄ è ndʉ́ʉ́ ngèn lɑ̄ ō ō ō!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Móó lɑ̀ zhī mbʉ́ɑ́ làh ndén nzɑ̌ lēē mbí mbɑ̄' ā fɑ́hnzɑ̄ ō ō ō!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
"Màmī" yīī yǐ mɑ́ ngʉ́ɑ́' mbèé ngràfī pí mōō ō ō ō!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!
Yáá mɑ́ kwɑ̀' nǔ túfhù mbɑ̀ ɑ̄ɑ̄ɑ̄!

Ghə̀ə̄lɑ̄' yōh fè'éfě'è ēēēē!
Ghə̀ə̄lɑ̄' yōh fè'éfě'è ēēēē!
Mɑ̀mbīē!

[claudewedji]

Belle chanson le féfé est chantant hein !!