Top Channel/ NATO përgatitet për sulm? Forcon sigurinë e bazës në Gjermani!

Zyrtarë të NATO-s njoftuan se baza ajrore e aleancës në qytetin gjerman Geilenkirchen ka rritur nivelin e sigurisë pas “informacioneve të shërbimit sekret, që flasin për një kërcënim të mundshëm ndaj saj”. Aq shqetësuese duket është paraqitur situata, sa është vendosur që si masë paraprake, i gjithë personeli thelbësor, por që nuk është me mision është larguar nga baza.

Njoftimi i publikuar në platformën e mediave sociale X, nuk jep detaje të tjera, por thekson së "Siguria e personelit është prioriteti ynë kryesor dhe se operacionet vazhdojnë sipas planit". Kjo është hera e dytë që baza ku ndodhet flota e avionëve vëzhgues 'AWACS' të NATO-s, rrit nivelin e sigurisë, që pas një incidenti javën e kaluar, kur një bazë ushtarake në Këln që ndodhet aty pranë, u mbyll përkohësisht ndërsa autoritetet po hetonin rreth dyshimeve për një sabotim të mundshëm në furnizimin me ujë të saj.

Në të njëjtën ditë, baza në Geilenkirchen njoftoi gjithashtu për një incident, një tentativë për t'u futur brenda territorit të saj, çka nxiti dhe zbrazjen e plotë të mjediseve.NATO ka paralajmëruar në të kaluarën për një fushatë aktivitetesh të organizuara nga Rusia, përfshirë aktet e sabotazhit dhe sulmet kibernetike. Disa incidente në vitet e fundit në territorin e NATO-s janë trajtuar si të dyshimta nga ekspertët, mes tyre prerja në vitin 2022, e një kablloje jetike nënujore, që lidhte arkipelagun e Svalbardin me Norvegjinë.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#NATO#Germany#TopChannelNews

[gezimrapushaj]

Gjermania nuk eshte ukrahina, dhe po kruajti me gjermanin ' rusia nuk do exzistoi si shtet !🇩🇪💪👌🙏