Top News - Gjenerali i hekurt’ i ushtrisë ukrainase/ Dalin detajet e njeriut që ‘prodhon’ artileritë

Për muaj të tërë, forcat ukrainase kanë zhvilluar një kundërofensivë precize për të rimarrë qytetin jugor të Khersonit nga pushtuesit rusë - pa pasur nevojë të luftojnë rrugë më rrugë.
Nën komandën e gjeneralit Valery Zaluzhny, objektivi i ushtrisë ishte të vendoste artileri të saktë perëndimore për të prerë linjat ruse të furnizimit përtej lumit Dnieper duke minimizuar viktimat ukrainase përballë një force shumë më të madhe ruse.
Sulmet kirurgjikale synonin depot e armëve, postet komanduese dhe dy ura që të çojnë në Krime për të izoluar gradualisht më shumë se 20,000 trupa ruse. Strategjia arriti kulmin me humbjen e Vladimir Putin kur forcat e tij u tërhoqën nga Kherson dhe pjesë të tjera të provincës pak më shumë se një javë më parë, shkruan Financial Times.
Pas kësaj dhe fitoreve të tjera të mëdha të Ukrainës në fushën e betejës qëndron një njeri të cilin ukrainasit e quajnë “Gjenerali i hekurt”. “Është e mrekullueshme kur e njeh armikun, se si funksionon dhe me ndihmën e partnerëve të huaj mund t’i godasësh në pikat e tyre të dobëta,” tha Vitaly Markiv, një oficer i Gardës Kombëtare të Ukrainës, i cili mori pjesë në kundërsulmin që çliroi pjesë të territor në rajonin verilindor të Kharkiv.
Por kush është Zaluzhny? I lindur në qytetin perëndimor të Novohrad-Volyn, Zaluzhny, 49 vjeç, u diplomua në shkollën lokale të inxhinierisë në 1993, dy vjet pasi Ukraina shpalli pavarësinë nga Bashkimi Sovjetik. Më vonë ai hyri në akademinë ushtarake në portin e Detit të Zi të Odessa-s, ku u diplomua në vitin 1997, shkruan Financial Times.
Ai u vendos në rajonin lindor të Donbasit pas vitit 2014, kur Moska filloi të nxiste luftën atje. Ushtria e pafinancuar e Ukrainës fillimisht u kap në befasi dhe humbi një pjesë të territorit nga separatistët e mbështetur nga Rusia. Por këtu trupat e Kievit u rigrupuan dhe u forcuan në betejë dhe këtu Zaluzhny ngriti reputacionin e tij.
Në një rast, ai lëvizi artilerinë nëpër “terren pothuajse të pakalueshëm” për të hedhur në erë një depo armësh, kujton gjeneral-koloneli Mihailo Zabrodski, ish-komandanti i Zaluzhny-t. “Ai punoi me mjeshtëri”, tha Zabrodski. Aksioni ishte aq i shpejtë sa armiku nuk pati kohë të reagonte.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Gjenerali#Ukrainas

[nevruskorreshi]

Bravo i qofte lufton per te mbrojtur popullin e tija hallall ja befte zoti

[bukuroshblloshmi]

hahahahahahahahaha po prisni se as gjo nuk ka maruar

[selimemini]

G20 selim albani nuk shlrujt numrin botes tregova shkova russin ska pare banka nato