Top Channel/ Po luteshin në tempull, shembet dyshemeja: 35 të vdekur në Indi!

Të paktën 35 persona humbën jetën pasi ranë në një pus të madh teksa luteshin në një tempull në shtetin qendror indian të Madhya Pradesh. 14 besimtarë u arrit të shpëtoheshin, ndërsa një person ende rezulton I zhdukur. Policia tha se viktimat ishin duke qëndruar në një pllakë betoni mbi pus, por ajo u shemb nën peshën e tyre.

Kryeministri Narendra Modi u shpreh jashtëzakonisht I prekur nga kjo fatkeqësi. Incidenti ndodhi gjatë një ceremonie lutjeje të organizuar në tempullin Beleshëar Mahadev Jhulelal me rastin e festivalit hindu të Ram Navami. Një turmë e madhe njerëzish po qëndronte mbi pllakën e betonit që mbulonte gropën poshtë thuajse 12 metra të thellë.

Sipas mediave locale, tempulli ishte ndërtuar aty pasi pusi qe mbuluar mbuluar rreth katër dekada më pare, por nuk qe mbushur me dhe. Një ekip prej 75 personash, përfshirë ata nga forcat shtetërore dhe kombëtare të reagimit ndaj fatkeqësive janë të angazhuar në përpjekjet e shpëtimit. Kryeministri Shivraj Singh Chouhan njoftoi se do të ketë një kompensim prej 500,000 rupish apo 6000 dollarë për të afërmit e të vdekurve, dhe 50,000 rupi për të plagosurit.

Pamje :AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#India#Tempull#TopChannelNews