Piu ilace per dhemballen dhe vdiq. Nena tregon momentet e fundit të 32-vjeçarit

Nëna e të riut, Genti Isai, i cili ndërroi jetë pasi piu ilaçet që mori me rekomandim të stomatologut për dhëmballën, ka rrëfyer momentet e fundit të 32-vjeçarit.

Ajo rrëfeu se i biri kishte pirë një ilaç pluhur në Ersekë dhe më pas kur është kthyer në shtëpi edhe 3 kokrra të tjera, sipas rekomandimit të stomatologut.

Sipas nënës, Shega Isai, djali ishte mirë kur u kthye në shtëpi madje po qëndronte në ballkon e pyeti të ëmën a i kishte mbaruar punët me bagëtitë.

Ajo tregoi se nuk qëndroi as 5 minuta jashtë dhe kur u fut në banesë e gjeti të riut të shtrirë dhe nuk i përgjigjej thirrjeve të saj, ndërsa kur i kapi duart i kishte “akull të ftohta”. Ata e nisën të riun me makinë drejt spitalit ndërsa rrugës janë hasur me ambulancën.