HINDI AKO NABABALIW | MGA GAWA 26:25-32

KABALIWANG MAITUTURING sa mundong ito ang iwasan o ayawan mo ang mga magagandang bagay na ino-offer ng mundo. Ang mga tao ay laging naghahangad nang yaman, katanyagan at kapangyarihan, MGA BAGAY NA ALAM NAMAN NILANG MAWAWALA DIN LAHAT. Aware ang tao na ang lahat ng ito ay hindi magtatagal pero mas pinipili pa rin at halos ikamatay na ang mga kaparaanan para lamang ito ay makamtan.

Samantala, ang itinuro ng Diyos na yaman ay SIYA MISMO. Isang katotohanan na hirap na hirap ang tao tanggapin sapagkat KALAKIP NITO ANG PAGTITIIS AT PAGHIHIRAP dahil marami ang napopoot sa kabanalan, katuwiran at katarungan ng Diyos. Marami ang sumasalungat sa mga ito at nagnanais na gawin lamang ang anumang maibigan nila. Subalit pagkatapos ng buhay ng lahat dito sa mundo MAY HAHARAPIN TAYONG KATOTOHANAN na may buhay tayong haharapin sa WALANG HANGGAN. Ang isang lugar ay SA PILING NG ATING AMA, at ang isa ay SA WALANG HANGGANG PAGDURUSA. May pagkakataon pa para piliin ang tama, GAWIN MO NA HABANG MAY ORAS PA.