2023 Jeppaferð með Stöð 6 - 1. hluti

Stöð 6 er klúbbur jeppakarla sem stofnaður var í Svartárdal á síðustu öld. Í dag eru félagsmenn farnir að skipta tugum og eru dreifðir víða um land. Í þessum þætti fylgumst við með norðan og austanmönnum á leið í Sigurðarskála. Þar er ætlunin að félagsmenn haldi sitt árlega þorrablót. Norðanmenn fóru á fimmtudegi upp Bárðardal og gistu fyrstu nótt í Réttartorfu. Á föstudegi stefndu þeir á Þríhyrning og fóru uppfyrir Holuhraunið með fram Dyngjujökli. Sunnan Holuhrauns mættust hóparnir, en sunnanmenn höfðu farið frá Hrauneyjum á fimmtudegi yfir í Laugafell þar sem þeir gistu, þeir komu svo yfir jökul. Það urðu fagnaðarfundir þegar hópurinn sameinaðist.
,,Byttan" fékk mestu athyglina í upphafi þáttar, enda glæsilegur Ram sem var nýlega búinn að skipta um eigendur sem virtust öfundaðir af ferðafélögunum.

[hinrikpetur]

Allar gaman að sjá myndböndinn hjá þér 🤩🤩🤩

[svarsigurdsson]

Þú ert svo mikil meistari snilldar vídeó hjá þér ❤❤