Top News - Nuk ka paqe mes vëllezërve/Harry akuzon William për gabimin më të madh të jetës

Harry ka fajësuar Princ William dhe kunatës së tij, Kate Middleton, për skandalin e uniformës naziste. Ai tregoi se Princi dhe Princesha e Uellsit u shkrinë së qeshuri kur e panë të veshur me uniforme për festën e vitit 2005.

Harry ishte 20 vjeç kur gazeta The Sun publikoi një foto në faqen e pare, ku shfaqej i veshur si një ushtar nazist, me një shirit të zbukuruar me një svastikë të madhe. Fotoja ishte shkrepur në një festë me kostume me temë "Vendase dhe Koloniale", ku William ishte gjithashtu i ftuar.

Në librin që pritet të publikohet së shpejti, Harry shkruan se për zgjedhjen e veshjes, kishte telefonuar të vëllanë. Ai e kishte pyetur nëse duhet të vishte një uniformë piloti apo një uniformë naziste.

“I telefonova Will dhe Kate, i pyeta se çfarë mendonin. Uniformë naziste, thanë ata”, shkruan Harry.
Sipas ai, ishte një nga gabimet më të mëdha të jetës dhe mendon se i vëllai ka një përgjegjësi të madhe në skandalin që prishi reputacionin e tij para publikut.

Një historian mbretëor kohë më parë pretendonte se përçarja mes 2 vëllezërve nisi kur Harry u detyrua të mbante barrën e zemërimit publik mbi kostumin nazist, edhe pse William ndihmoi në zgjedhjen e veshjes.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#PrincHarry#PrincWilliam#TopChannel