Top News - Nuk ka ‘Gray Eagle’ për Ukrainën! SHBA refuzon t’ia japë, frikë për përshkallëzim

Administrata e Joe Biden nuk do t’i japë Ukrainës dronët Gray Eagle MQ-1C për shkak të frikës se ata mund të përshkallëzojnë luftën, duke i mundësuar ukrainës goditjen e shënjestrave brenda në rusi përmes tyre – raporton Uall Street Journal duke cituar një zyrtar të lartë amerikanë që ka folur në kushte anonimiteti dhe të tjerë persona në dijeni të cështjes. Zyrtarët amerikanë kishin po ashtu shqetësime se teknologjia e dronëve mund të vidhej në fushëbetejë, edhe pse nuk ka qenë kjo arsyeja kryesore e vendimit – raporton më tej Uall Street Journal. Si Kievi, ashtu edhe anëtarë të kongresit amerikan, kanë bërë presion mbi administratën Biden për të furnizuar Ukrainën me dronë në një kohë kur Rusia është furnizuar nga Irani.
Sidoqoftë, SHBA mbetet furnizuesja më e madhe me armë e Kievit, me sisteme të ndryshme të dërguara atje përfshirë HIMARS dhe raketat anti anije Harpoon që në teori mund të arrijnë hapësirën ajrore ruse dhe ujërat e rusisë. Dronët Gray Eagle MQ-1C mund të fluturojnë në ajër për 25 orë duke lënë pas cdo mjet tjetër ajror të telekomanduar të Moskës dhe janë konceptuar për misione globale. Nëse Ukraina do të kishte këta dronë, ata do të ngrinin në mënyrë drastike temperaturën mes SHBA-së dhe Rusisë, edhe pse Irani vazhdon të furnizojë Moskën me dronët kamikazë që po përdoren masivisht në sulmet mbi infrastrukturën civile në Ukrainë.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#SHBA#Frika