Şakiro ez rebenım

Şakiro - Ez Rebenim (Efsane Remix 2021).webm

[medaymed]

EZ REBEN IM

Ez reben im hê hewû reben im ha ha ha hayê
reben im reben im reben im reben im reben im...
ezê bi rebena Bavê Salih¹ peyayê bi tenê
mabû li welatê xerîb bê piştmêrî keko li kesîriyê da

Hedo digo Têlo rebenê sibe ye şerekî li me çêbû
li Çemê Xezaliyê², li ser Pira Batmanê, li Gura Seyîda bi kendal e
dema Bavê Salih ji malê siwar bû bi sonda qesemê sond xwarî
heya li meydanê neyê kuştinê
tu cara ji oxirê nazivire venagere male
dengê tivinga li ser serê egîtê mala bavê min nemayê nalenal e kalekal e
gava li Bavê Salih dibû pêsîrtengiya di mêra
keskî xwedanxêr tunîne ji gavê din da
cuwabekî bide li Binxetê li ba Bavê Sulhedîn birayê dilşewitî
bi Tirkî nizanim bi Kurmancî leqeba wî ra dibejin Seyîdxanê Kal e
bê agirê kulê bikeve mala Emerê Mihê³, lawê Perîxanê⁴
Eşîra Xiya, giregirê Badika
derbekî bi dest berdane bedena Bavê Salih peyayê Mala Ûsivê Seydo
sêr bike gelo vê sibengê eşîr nemane malxirabo di eşîra da mêr nemane
keskî xwedanxêr tune bi orta çapiliya⁵ xwe bigre
li meydanê ji peyayê mala bavê mi ra bibi balgif û berpal e

Ez reben im hê reben im hê hê hê...
reben im reben im reben im reben im reben im...
ezê ji bona Bavê Salih peyayê bi tenê
mabû li welatê xerîb gelo bê piştmêrî keko li kesîriyê da

Hedo digo Têlo rebenê sibe ye şerekî li me çêbû
qalekî li me qewimî li Çemê Xezaliyê,
li ser Pira Batmanê Gura Seyîda darî ter e
dema Bavê Salih ji malê siwar bû bi sonda qesemê sond xwarî
heya li meydanê neyê kuştinê tu car ji oxirê nazivire venagere
li ser serê egîtê mala bavê mi nemayê qerebalix e
ji gavê din da yeqîn șer e
dengê topan û tivinga li ser serê egîtê mala bavê min gulîbirê
tere tê diziviri vedigire
vê sibengê peyayê mala bavê min bi dil û cîgerê xwe guven e
heta neyê kuştinê di kozîka xwe da tevnagere
keseke xwedanxêr tune cuwabekî ji Binxetê ra behere
li ba Bavê Sulhedîn birayê dilşewitî
bi Tirkî nizanim bi Kurmancî leqeba wî ra dibejin Seyidxanê Kerr e
bê agirê kulê bikeve mala Emerê Mihê, lawê Perîxanê
Eşîra Xiya, giregirê Badika
derbekî bi dest berdane bedena egîtê mala bavê mi gulîbira Xwedê
keskî xwedanxêr tuni bi orta çapiliya xwe bigire
çend rojeka vê sibengê ji welatê Serhede
gidî gelo li hewariya egîtê mala bavê min here

Ez reben im hê reben im hê hê hê reben im...
ezê bi rebena egîtê mala bavê xwe gulîbira Xwedê
li welatê xerîb û xerîbistanê tu sêr bike
gelo ji xwe ra mabû bê piştmêrî gelo wa bi tenê.




1 Teyfîq birayê Seyidxan e, ji milê Seyîdan ji eşîra Hesenan in.
2 Çemekî li hêla Batmanê ye, tevlî robara Dîjleyê dibe.
3 Ji Sasonê ji eşîra Badikan e.
4 Emînê Perîxanê ye, serokeşîrê Rema bûye.
5 Navê sîlehek lûledirêj e.

Şakiro
Antolojiya Dengbêjan
Ömer Güneş û İbrahim Şahin