Фиксиләр - Тимер юл (Железная дорога - Фиксики)

Чит планета вәкилләренең җиргә һөҗүм итүенә ДимДимычның шиге юк. Аларга каршы тору өчен, ул бөтен уенчыкларын уенчык поездга сала да дошманнарга каршы җибәрә. Фиксиләр генә уенга катнашырга теләми, аларга уенның кагыйдәләре ошамый. Поезд кинәт туктый. ДимДимычка фиксиләр белән уртак тел табыргамы, әллә үзенә генә уйнаргамы - икесенең берсен сайларга туры килә. Нәтиҗәдә, фиксиләр ДимДимычка уенчык тимер юл төзелешен аңлаталар, юлны төзәтеп, уенны дәвам итәләр. Бергә уйлап чыгарган кагыйдәләр буенча уйнау күпкә кызыгырак.