Şakiro - Lo Lo Riza

Показать описание

Şakiro - Lo Lo Riza

Рекомендации по теме

Комментарии

Her sax bî heval, min hin tişt fam nedikir te fêr bûm : 1 ciriya, 2 firqe, 3 firîk. Lê ez baver im Nordîn dêje ne Norşîn ema baş nizanim, ya din jî Xezal e bangî Perîşanê dike

karamzare

De lo lo hey lo loo Riza!
Tu gula mala Emer î lo lo Riza!
Tu serdilka mala Eshed î lo lo Riza!

Qaçax û firar û serkêşê dewletê,
Qesasê dînê filehan î.

Heya dinya xweş ava be li civatê mezin rûnêm,
Bibêjim heywax li min, hey lo Riza!

Rizakê ez bi qurban ji bona te çûme Mûşa şewitî,
Heywax li min, heywax gidî!

Gidîno ji bona te çûme Mûşa şewitî.
Ez nizanim çi bû, çi qewimî,
Heywax li min, lo çi ciriya hey lo Riza?

Perîşanê, mehrûmê -tu sêr bike-
Bi nimêja sibê re 3 firqe eskerên qerenîzamê
Li derê dîwanê bavê Koroxlî(Yanî Riza),
Qet ne bi xêr e.

Lawo berê bavê Koroxlî dane Mûşa şewitî.
Perîşanê li çokên xwe dixist,
Digot: “Heywax li min Rizakê!” digiriya.
Lo lo, hey la Riza!

Rizakê ez bi qurban ji bona te çûme Mûşa şewitî,
Heywax li min, lê bûme mêvan!

Maqûlo ji bona te çûme şewitiya Mûşê,
Heywax li min, lê bûme mêvan!

Perîşanê mehrûmê tu sêr bike;
Bejna bavê Koroxlî di nava hemû kesî de kifş e û belî ye,
Fenanî kulîlka di nav gulan û sêvan.

Rebbî tu padişaheke mezin î,
Tu efûya bavê Koroxlî ji qapiyê hikûmatê derîne.

Ez ê li civatê mezin rûniştama,
Min ê palikê sor û zer çê bikira,
li ser lêvan, Lo lo, hey la Riza!

Gidî Rizakê ez bi qurban gelo ji bona te çûme Mûşa şewitî,
Ê mi’ dî Xewlayê digo:
“Perîşanê! Lê dayê rebenê li me wenda kirine gula xaniman,
Rewşa vê dîwanê.”

Agirê kulê bikeve mala Fêrîkê Mûşê,
Kafirkeşîşê Norşînê, kaxezek şandine,
Ji bo bavê Koroxlî tu caran ne bi xêr e.

Dibê-je- îro rûniştiye li şewitiya Mûşê,
Li derê dikanê.

Ez ê bi xulama eflazê şêrîn,
Dev û lêvê şekirîn,
Simbêla sor î narincî,
Mijûl û qisedanê.

Cewabeke nebixêr hatiye Qasimiyê;
Dibêjin bavê Koroxlî nexweş e,
Rakirine xopana xestexanê.

Perîşanê li çokên xwe dixist,
Digo; heywax li min Rizakê,
yeqîn derman danê.

Lo lo, hey la Riza! Tu gula mala Emer î lo lo Riza!
Tu serdilka mala Eshed î lo lo Riza!

Qaçax û firar û serkêşê dewletê,
Qesasê dînê filehan î.

Heya dinya xweş ava be li civatê mezin rûnêm,
Bibêjim heywax li min, hey lo Riza!

MustafaDogan-txhc