Je vivroie liement - Guillaume de Machaut

Virelai de Guillaume de Machaut (circa 1300-1377)
Manuscrit BNF FFr 1584-5-6, 9221 & 22546 v21/23

Ensemble Gilles Binchois, dir. Dominique Vellard

Je vivroie liement,
douce creature,
se vous savies vraiement
qu'en vous fust parfaitement
ma cure.

Dame de meintieng joli,
plaisant, nette et pure,
souvent me fait dire: "aymi"
li maus que j'endure

pour vous servir loyaument.
Et soies seüre
que je ne puis nullement
vivre einsi, se longuement
me dure.

Je vivroie liement,
douce creature,
se vous savies vraiement
qu'en vous fust parfaitement
ma cure.

Car vous m'estes sans mercy
et sans pité dure,
et s'aves le cuer de mi
mis en tel ardure

qu'il morra certeinnement
de mort trop obscure,
se pour son aligement
merci n'est procheinnement
meüre.

Je vivroie liement,
douce creature,
se vous savies vraiement
qu'en vous fust parfaitement
ma cure.