Mużika Mużika 2024 - Ħolma ta' Mument - Finali

Ħolma ta' Mument
Artist: Dario Bezzina
Kompożitur: Philip Vella
Awtur: Joe Julian Farrugia
Direttur tal-Orkestra: Ryan Paul Abela
Arranġatur: Ryan Paul Abela

Lirika:

Ma nafx għala, għadu kmieni
diġà qomt u bgħattli ma nkomplux
Minflok bonġu bħal tas-soltu
sibt messaġġ ħassibni jekk nemmnux

Għid xi ġralek f’daqqa waħda
kif mil-lejl għan-nhar ma tridx taf bija
Propju issa l’għandi bżonnok
se tħallini f’nofs ta’ baħar kollu nkwiet

Xejn ma jiswa kliem il-passat
wegħdi vojta kollha frugħat!

Ħlomt ħolma ta’ mument li ma rnexxietx
fassalt ħajti fuq tempesta li m’għaddietx
Naf minix perfett u nagħmel ħafna żbalji bħal kulħadd
taf li dejjem sibtni kif tkun qed tingħeleb mill-imbatt
Ħlomt ħolma ta’ mument li lanqas bdiet... ma bdietx

Qed nipprova nifhem sewwa
għala f’daqqa waħda bdilt il-ħsieb
Ma rridx nisma’ li qed tgħidli
li tixtieqna biss inkunu ħbieb

Forsi għandek lil ħaddieħor
issa lili qed tarani żejjed
Kif qatt m’għidtli l’għandek dubju
jew għallinqas trid iż-żmien taħsibha ftit

Ma stennejthom qatt dal-weġgħat
qed inħossni abbandunat

Ħlomt ħolma ta’ mument li ma rnexxietx
fassalt ħajti fuq tempesta li m’għaddietx
Naf minix perfett u nagħmel ħafna żbalji bħal kulħadd
taf li dejjem sibtni kif tkun qed tingħeleb mill-imbatt
Ħlomt ħolma ta’ mument li lanqas bdiet... ma bdietx

Xejn ma jiswa kliem il-passat
wegħdi vojta kollha frugħat!

Ħlomt ħolma ta’ mument li ma rnexxietx
fassalt ħajti fuq tempesta li m’għaddietx
Naf minix perfett u nagħmel ħafna żbalji bħal kulħadd
taf li dejjem sibtni kif tkun qed tingħeleb mill-imbatt
Ħlomt ħolma ta’ mument li ma rnexxitx

Fassalt ħajti fuq tempesta li m’għaddietx
Ħlomt ħolma ta’ mument li lanqas bdiet... ma bdietx!

Festivals Malta 2024 Kull Dritt Riżervat