Úti og umhverfisnám - Norðurberg

Útinám og umhverfið - Leikskólinn Norðurberg í Hafnarfirði.

Lóa Björk Hallsdóttir og Berglind Mjöll Jónsdóttir segja frá árangursríkum leiðum sem kennarar í Leikskólanum Norðurbergi nýta í útikennslu og umhverfisstarfi með 4-6 ára börnum. Farið er í náttúruskoðun í hverri viku á sama náttúrusvæðið, nemendur skoða gróður, plöntur, fugla og skordýr og fylgjast með hvernig svæðið breytist eftir árstíðum. Elstu börnin fara einu sinni í mánuði í Höfðaskóg, þar dvelja þau allan daginn og vinna ýmis verkefni. Það er upplagt fyrir þá sem vilja auka útikennslu í sínu skólastarfi að kynna sér þetta.

Leikskólinn Norðurberg í Hafnarfirði var fyrsti leikskólinn sem hóf þátttöku í grænfánaverkefninu árið 2002. Í Norðurbergi er lögð áhersla á að valdefla börn í sínu umhverfisstarfi og þar fer fram öflugt útinám. Áhersla er lögð á lýðræði með nemendum sem taka þátt í umhverfisnefnd. Skólinn hefur sýnt að fram á að hægt er að draga verulega út vistspori skólans, m.a. með moltugerð og notkun taubleyja, en öll bleyjubörn nota taubleyjur sem eru í eigu skólans.
Skólinn var heiðraður af Umhverfis- og auðlindaráðherra fyrir brautryðjendastarf í leikskólum árið 2020.

Kynningin var á dagskrá í fundaröðinni Gæðaskólar á grænni grein sem haldin var í febrúar og mars 2021. Fundarröðin er liður í starfsþróun kennara í verkefninu Skólar á grænni grein og eru sambærilegir fundir haldnir annað hvert ár á móti ráðstefnum.

Skólar í verkefninu vinna ötullega að menntun til sjálfbærni og umhverfismálum með nemendum sínum.

Verkefnin áttu það flest sameiginlegt að vera valdeflandi og aðgerðamiðuð og vinna að sjálfbærni í víðum skilningi.

Menntun til sjálbærni undirbýr nemendur fyrir áskoranir samtímans og framtíðarinnar á valdeflandi og skapandi hátt.
Við þurfum að skoða hvað í fortíðinni og nútíð hefur skapað ójafnvægi á milli náttúru, samfélags og efnahags.

Grænfáninn er veittur þeim skólum sem innleiða menntun til sjálfbærni með skrefunum sjö.

Landvernd, frjáls og óháð náttúruverndar og landgræðslusamtök hafa haft umsjón með verkefninu á Íslandi frá upphafi. Hjá samtökunum vinna sérfræðingar í menntun til sjálfbærni sem veita skólum stuðning, fræðslu og ráðgjöf.