#1 - CAU GƠNRƠH YAL LÀI YÀNG LIK LÌNG

CAU GƠNRƠH YAL LÀI YÀNG LIK LÌNG
Luka 1:26-38; Mathiơ 1:18-25

Geh jơnau Yàng hơ bơh lài,
La Yàng rơp tus dong klàs dun-nia.
Kơp gơn Bơtau neh hơ ai,
Tòm tŭ lik lìng gen ncau rò Yàng?

Cau gơn-rơh Ga-bri-el,
Tus Na-sa-ret jòi ùr Ma-ri.
Jat jơnau cau gơnoar hwơr dê,
Ma-ri pal git loh làng broă do.

Pờ bơr tŭ mut tòm hìu:
“ Niam să cau ùr geh nđàc Yàng dê.”
Kơ-no gen ò suk ơm,
Ma-ri lùp is ñchi bơta do taih?

“Ơ ùr, gơs nđàc bơh Yàng,
Bơh do ai rơp la cau geh bun.
Lik rài dô nă: kòn klau,
Sơn đan Kòn Dềt, hơ̆ la Je-su.”

“Añ gam ơ-ruh lơbơn niam,
Ò hềt git tus klau lơi tòm bòn.
Geh bun, añ ò rgơi dòn!
Mbe lơh broă hơ̆ gơ lik añ in?”

“Hơ̆ la gơ-noar Yàng Hwềng,
Kơn-ràñ tơ lik gơ-noar đang ai.
Gen tang Kòn Goh lik lìng,
La Kòn Bơ-tau Hơ-đang Rlau Jơh.”

“Broă Yàng dê crih crài ngăn!
Añ do cau dĭ dan dòn bơr Yàng.
Jơ-nau neh đơs, Ơ Yàng!
Dan lơh wil tơl tòm rài añ do.”

Tòm Na-sa-ret kung gam
Gơs wa Jô-sep kòñ ùr Ma-ri
Kơno wơl jơ-nau crih crài,
Gơn-rơh yal lah: Ma-ri geh bun.

“Ma-ri geh bun mơ ncau?
Ñchi cau gơn-rơh, ñchi mat oh nga!
Añ ò kòñ lơh iơh khai,
Gen tang añ rơp lòi òm di khai.”

Nùs ồng ò suk ơm ngan,
Tòm mang gơn-rơh tus yal ồng in:
“ Ơ bi jơh ală broă do,
Gơ-lik di ngan jơ-nau đơs hwơr.”

“Bi bañ rngòt bau Ma-ri,
Gơ-noar bơh Yàng gen khai geh bun.
Rơp deh dô nă: kòn klau,
Sơn đan Kòn Dềt, pal la Je-su.”

Neh kơno gen nùs cho hòp,
Do la gùng Yàng tus tòm dun-nia
Kah rngal Jô-sep dòn bơr.
Lơh tơn tòm-bau mơ ùr Ma-ri.

#JơnauNiam #Kơho #YàngLikLìng