Top News - Shqipëria, ideale për t'u plakur / Renditet e nënta në Europë, e dyta në rajon

Shqipëria renditet në dhjetë vendet më të përshtatshme për të kaluar një periudhë pensioni të rehatshëm. Kompania britanike e sigurimeve, “Reassured” ka vlerësuar shtetet në bazë të orëve me diell, kostos së jetesës dhe popullsisë në moshën mbi 65 vjeç.
Shqipëria vlerësohet si një vend pak i njohur apo i vizituar nga të huajt, por që ofron mjedisë dhe peisazhe rurale si dhe pjesë antike e historike, ndaj ja vlen të jetë destinacioni i të moshuarve. Një fakt që e rankon Shqipërinë në vend të nëntë, është edhe ekspozimi për 2544 orë vjetore me diell.
Sipas vlerësimit të kompanisë britanike të sigurimeve, Shqipëria ka një kosto të përballueshme për pensionistë. Indeksi i kostos së jetesës qëndron në një nivel të ulët 37.4, me akomodimin që kushton deri në 181.83 paund në muaj dhe kostot e transportit publik mesatarisht 12 paund. Vlerësohet gjithashtu se në Shqipëri 16 përqind e popullsisë është në moshën mbi 65 vjeç.
Në vend të parë si destinacioni i preferuar për një pension të rehatshëm qëndron Greqia. Me 2773 orë dielli vjetore dhe përqindjen e tretë më të madhe të popullsisë globale mbi moshën 65 vjeç, Greqia ofron komoditetin e nevojshëm.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Shqipëria#TopChannel