Tələt Babayev Kürdəxanı - Dəniz

Müəllif: Tələt Babayev Kürdəxanı
Şeir: Dəniz
musiqi: -------
İfa: radio face (Güldiyar Zülfüqar)
--------------------------------------
Şeir və ya qəzəlinizi səsləndirməyimizi istəyirsinizsə,bu ünvana bir şəkiliniz və yazdığınız şeiri göndərin:
--------------------------------------
Gəldi qış tufan ilə,coşdu dəniz.
Qəzəlin,nəğmələrin qoşdu dəniz.
Tufanda dəniz coşar çalxalanar,
Löbər atmış gəmilər yırğalanar.

Dalğa hündür yola çıxmaq xatalı,
Dalğada kinli naxışlar butalı.
Göydə saysız görünən qar dənəsi,
İndi başlar dənizin təntənəsi.

Dənələr təslim olar duzlu sudan dadmaq üçün.
Dalğalar bəhsə girər qar dənəsi udmaq üçün.
Düşünər,cəng üçün getsin haraya?
Üz tutar sahildə məğrur qayaya.

Şahə qalxar,yekələr,lovğalanar,
Qayaya deycək həmən parçalanar.
Sahildə köhnə qayıq mürgüləyər,
Dalğa yatmış qayığı sirkəliyər.

Yetər artıq,gəl hətdin aşma dəniz!
Özünü güclü sanıb çaşma dəniz!
Belə getsə bu işin var xətəri,
Qüvvədə yoxdumu səndən bətəri?

Çıxarıbsa bu külək taxta səni,
Ovudar təslim edər şaxta səni.
Suyunda olsada hədsiz acı-duz,
Nə edərsən ki,sinən baxlasa buz?

Dənizin yayda sakit halına bax,
Qış gələndə,cəngi-cüdarına bax.
Gözlərik taki zaman gün gələcək,
Yenə öz qumlu sahilin öpəcək.

Neyləyək,bizki fəqir bəndələrik,
Səbrimiz həqqə əyandır dözərik.
Salamat qal dəniz,getdik hələlik.
Darıxanda çağırarsan gələrik