Tələt Babayev Kürdəxanı Yaz yağışı

Показать описание

Müəllif: Tələt Babayev
Şeir: Yaz yağışı
musiqi: Piano Mohsen Karbassi (Farhad - Booye Eydi - Koodakaneh)
İfa: radio face (Güldiyar Zülfüqar)
--------------------------------------
Şeir və ya qəzəlinizi səsləndirməyimizi istəyirsinizsə,bu ünvana bir şəkiliniz və yazdığınız şeiri göndərin:
------------------------------------------
Yağış yağır.
Yaz yağışı.
Damlaları şəfəq saçan zər dənəsi.
Torpaq gülür,yer sevinir.
Bir ruzidir bərəkətdir hər dənəsi.

Yağış yağır.
Sevindirir suya həsrət yarpaqlari.
Yarpaqlar da əyilərək salamlayır budaqları.

Yağış yağır.
Pərvazlanır şehli otların qoxusu.
İslanmışın bu yağışdan nə qorxusu..

Yağış yağır... Günəş baxır.
Ağ bənizli buludlara nəzər salır üfüqlərdən.
Bulud gülüb ağ üzünü gizlədir al şəfəqlərdən.
O ağ bulud gözəllər tək günəşdən utanır bəlkə..?
Günəş də ağ buludları yağışa qısqanır bəlkə..?

Yağış yağır.
Bu tərəfdə intizarla yol gözləyir qara torpaq.
Sevgisinin həsrətiylə qara bağrı yara torpaq.

Göyərçin görüb bu eşqi güc verərək qanadlara...
Yağış üçün elçi gedir göydəki ağ buludlara.

Yağış yağır.
Buludlarla vidalaşıb son qoyur bu həsrətinə.
Qovuşur məhəbbətinə.

Yağış yağır.
Gəl inciyib küsmə bulud.
Bu yağış da bu torpaq da təbiətin canlısıdı.
Hamı bilir axı.. yağış torpağın nişanlısıdı.

Göydə çaxan o şimşəklər bu saf eşqin fəryadıdı.
Yerdəki otlar çiçəklər bu torpağın övladıdı.

Yağsın yağış.. damla damla.
Nazlı qız tək xumarlansın ləçəklərdə.
Qoy sevinsin çiçəklər də.
©