Top News-Franca nuk gjen qetësi/Përsëri protesta kundër pasaportës shëndetësore

Rreth 13 mijë persona kanë protestuar në Paris dhe qytete të tjera franceze kundër pasaportës së detyrueshme shëndetësore për hyrjen në shumë ambiente publike. Kjo masë u mor nga qeveria franceze për të luftuar valën e katërt të pandemisë koronavirusit. Kjo është fundjava e tretë me radhë që qytetarët, përmes protestave, po kundërshtojnë masat e reja kundër COVID-19.

Protestuesit shprehen se nuk mund ta besojnë që po ndodh një gjë e tillë në vendin e të drejtave të njeriut dhe shumica besojnë se liria e tyre është në rrezik. Qytetarët që duan të vizitojnë muzetë, kinematë apo pishinat, tashmë u ndalohet hyrja nëse ata nuk kanë pasaportë shëndetësore që dëshmon se janë vaksinuar.

Kujtojmë se së fundmi parlamenti francez miratoi një ligj të ri, ku vaksinimi kundër koronavirusit u bë i detyrueshëm për punëtorët shëndetësorë si dhe pasaporta shëndetësore u bë e detyrueshme për hyrje në bare, restorante, trena e spitale.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#France#Proteste#TopChannel