Twiëdehands

Показать описание

Zang: Bart Jacobs / Luuk Janssen
Komponis: Hay Geritz
Schriéver: Peter Jansen

Ik vônd veur vastelaovend niks um aan te doon,
mien mooder zag, heej hingk nog grei genôg,
Ik heb op good gelök, waat oét dae kas geplök,
en miene pôngel gauw beejeingezôch.
Nou en? Nou en? ’t Geit toch um de jen?

Refrein:
Al is mien jeske twiëdehands,
en kreeg die bôks ein twiëde kans.
Toch veul ik mich hiël good,
zoë ônder dae geliënden hood.
Daen alde kraom is mich egaal,
want nieje bônne heb ik waal.
Kôm mit mich mei, d’n tiéd löp door,
die gelde maar allein dit jaor.
(die gelde noow dit jaor.)

Maar mit de boerebroelof zoot ik weer umhoëg,
toen kôs ik in det grei neet euver straot.
Dan löp me toch hiël strak, zoë in ein boerepak,
gelökkig wis mien tante gooie raod:
Neem mei! Neem mei! Dit waas van ome Thei.

Ein maedje zag: “Ik bin hiël erg veur hergebroék”,
dao had ’t mich behuuerlik mei gemoek.
Mien pak, zag ik toen en, zal dök gedrage zien,
maar zelf bin ik pas eine kiër gebroék.
Kôm heej! Kôm heej! Dan is det gauw veurbeej.