PART 2: IMRF 2022: Informal Multi-Stakeholder Hearing 5/16/2022

United Nations (UN) Headquarters, New York
May 16, 2022

PART 2: Dinadaluhan ng delegasyon ng Pilipinas, kabilang ang mga opisyales mula sa Department of Foreign Affairs (DFA), Department of Labor and Employment (DOLE), National Economic and Development Authority (NEDA) at Presidential Communications Operations Office (PCOO) ang pagpapatuloy ng Informal Multi-Stakeholder Hearing na isinasagawa bilang bahagi ng International Migration Review Forum (IMRF) 2022 sa United Nations (UN) Headquarters sa New York ngayong ika-16 ng Mayo 2022 (New York time).

Ang IMRF ang siyang nagsisilbing platform ng UN Member States para mapag-usapan ang progreso sa pagpapatupad ng Global Compact for Safe, Orderly and Regular Migration – na kilala rin bilang Global Compact for Migration o GCM — isang intergovernmentally negotiated UN agreement patungkol sa international migration.

Simula nang maipatupad ang GCM, isinama ng iba’t ibang bansa ang mga layunin at guiding principles nito sa kani-kanilang pambansang polisiya. Malaki ang ginagampanan ng mga stakeholder sa pagpapatupad ng Global Compact dahil sa kanilang aktibong partisipasyon sa lahat ng antas (local, national, regional at global) at sa kanilang regional views na nakakatulong sa pagtugon sa iba’t ibang isyu na may karaniwang interes.

#IMRF2022
#PHinIMRF

*****