Bir qızın olsun gərək(#1) - Xəzər Süleymanlı (Fidan Əliyeva)

#xezersuleymanli #qızım #qizim

Ətri bahar ətri, çiçəklər kimi,
Məsum ümidlərdə mələklər kimi,
Ruhuna qonmuş kəpənəklər kimi,
Bir qızın olsun gərək.
----------------------------------------------------------
Saçları qıvrım dənizin dalğası,
Gözləri şəhla, üzü ay parçası,
Haqqın əmanət payı, nur damlası,
Bir qızın olsun gərək.
----------------------------------------------------------
Körpə gülüşlər bəzəyir süfrəni,
Varlığı insana ömür yelkəni,
Hamı unutsa, o unutmaz səni,
Bir qızın olsun gərək.
----------------------------------------------------------
Çox şükür Allaha qızım var desən,
Sanki bütün ömrə ibadətdəsən,
Qəlbinə can yoldaşı, dost istəsən,
Bir qızın olsun gərək.