L'isula sola - Vitalba - Chants corses

Concert du groupe Vitalba le 26 novembre 2021 à la gare de Furiani (2ème Festivale Natalescu di a musica Corsa).
Réalisation : Alexey Tsvetkov.

O quantu vuleria scrive chi a mio storia hè di pace
Chi l’albori ch’aghju vistu si so pisati sereni
Ma à empie a mio mente so centu mila e strage
E di fiure sanguinose i mio ricordi so pieni

Aghju vistu tantu volte u mio mondu piccia focu
Per una croce, un spechju o per un palmu di terra
Per una fede, un’idea, per u pusessu d’un locu
l’omi move e battaglie, l’omi dà si à a guerra

Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella

Aghju vistu l’orisonte ghjugne tanti battilloni
E i sullati à millaie calpighjà e mio marine
Aghju in core è vinice di ‘ssi tempi bughjiconi
E piengu à fiumi pieni è mio pene senza fine

Da sempre so stata eiu ogettu di ogni imbliglia
Quella chi omu vulia cumprà, vende o cunquistà
Quella stella ch’in lu celu di più cà l’altre spampiglia
E ch’ognunu vuleria di e so mani tuccà

Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella

Ma vogliu sperà e crede in un dumane sfarente
Sunnià di l’ore à vene cum’è di tant’allegrie
Vede e so albe chjare è di pace splendurente
Pisà si à l’infinita cum’è in le puesie

E vogliu di à i mei, à i mio figlioli cari
In un cantudi sperenza, in un’ardente prighera
Di francà mi a l’ora mai di tanti ricordi amari
E di tene caru à mè di più cà a mio bandera

Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella

[corinegonzales]

Bonjour la Corse j'adore c'est très apaisant c'est tout simplement magnifique 👍🙏 merci pour ce partage 🙏

[tatianavarraud]

Parce Salute
Yvan restera à jamais dans nos cœurs 💕💕💕💕💕💕💕💕💕💕💕💕💕💕💕