Bakıda və bölgələrdə Aşura qeyd edildi – Videoreporta

Kimi xəstəsini gətirib, kimi uşağını. Kimi də məscidə şəhidləri yad etmək üçün dua etməyə gəlmişdi

Aşura günü hər il müxtəlif mərasimlərlə qeyd olunur. Lakin iki ildir koronavirus pandemiyası ilə bağlı matəm mərasimlərində müəyyən məhdudiyyətlər tətbiq olunur. Kütləvi tədbirlərin keçirilməsi mümkünsüzdür. Əgər keçən il məscidlər bağlı idisə, bu il məhdud sayda, cəmi 50 nəfərin iştirakı ilə bu mərasimlərin keçirilməsinə icazə verilib. Bütün qaydalara riayət olunmalı, sosial məsafə qorunmalı, maskalardan istifadə edilməlidir. Məscidlərdə bu prosesə icmalar nəzarət edib.
Din xadimləri xütbələri onlayn qaydada oxudular. Bütün bu tədbirlər həm profilaktik məqsəd daşıyır, həm də yoluxma sayının artmasının qarşısını almaq üçündür.
Elə çəkiliş apardığımız Təzə Pir məscidində də bunun şahidi olduq. Tədbirin mətbuat tərəfindən işıqlandırılmasına icazə verilməsə də, orda olduğumuz müddətdə ciddi nəzarətin olduğunu gördük. Belə ki, həm mühafizə xidməti, həm də hüquq-mühafizə orqanlarının əməkdaşları ziyarətçilərin peyvənd sertifikatının olub-olmamasına nəzarət edirdi. Bu isə insanlar arasında heç də birmənalı qarşılanmırdı. Öncədən xəbərdarlıq olunmasına baxmayaraq, peyvənd sertifikatı olmasa da, məscidə daxil olmağa çalışanlar var idi.
Sorğu

İçəri keçə bilməyənlər isə elə qapının yanındaca ehsanını paylayırdı.
Səhər saatlarından başlayaraq respublikanın şəhər və ətraf rayonlarda da Aşura günü ilə bağlı mərasimlər keçirilib. Gəncə sakinləri “İmamzadə” Dini Memarlıq Kompleksini ziyarət ediblər. Digər bölgələrdə isə qanvermə aksiyaları keçirilib.

Kanala baxdığınız üçün təşəkkürlər

[ЭхтирамАбдуллаев-бъ]

Tamojnudu??? Niyameddin sensen??? E sen ne gundesen. Vaxt gelecek bu hallari hami ici hokumet garisig deyecekler ki bu bos sey imis. Amma soraki hefislenmayin ne menasi var.