Rusiya Ukrayna məsələsində Türkiyənin yardımına ümid edir

Показать описание

Ukraynada səfərdə olan ABŞ-ın dövlət katibi Entoni Blinken Ukrayna prezidenti Volodimir Zelenski ilə görüşüb. Görüşdə Ukrayna prezidenti səfərin əhəmiyyətini yüksək qiymətləndirib. O, bildirib ki, bununla Birləşmiş Ştatlar Ukraynanın suverenliyinə dəstəyini bir daha nümayiş etdirir. Öz növbəsində Blinken səfərin ABŞ prezidenti Cozef Baydenin xahişi ilə baş tutduğunu və Ukrayna münaqişəsinin sülh yolla həllinə tərəfdar olduqlarını bildirib. Eyni zamanda dövlət katibi Rusiya qoşunlarının Ukrayna sərhədi yaxınlığında yerləşdirilməsini “Ukrayna üçün görünməmiş təhlükə” adlandırıb. Bu arada Türkiyə Prezidenti Rəcəb Tayyib Ərdoğan Rusiya və Ukrayna prezidentlərini iki ölkə arasındakı fikir ayrılıqlarını həll etmək üçün Türkiyəyə dəvət edib. Kreml Ərdoğanın Rusiya və Ukrayna arasında vasitəçiliklə bağlı təklifinə münasibət bildirib. Rusiya Prezidentinin sözçüsü Dmitri Peskov istənilən ölkənin Ukrayna məsələsini həll etmək istiqamətindəki səylərini alqışladıqlarını deyib.
#İTV
#İTVXəbər
#ictimaitv #video #televiziya #baku #videolar #itv