Mizoram Calendar 2019, Mizo Nula Thlalakte

Показать описание

#An_sawi_Mizoram_Calendar_2019...
Kan nui phawt dawn nge, kan ṭhen deuh sawk phawt dawn ka hrethiam mai lo, in duh danin lo ti mai ru aw😊...
Sêl hluai hian a lar duh e an tih avanga sêl tura an rawn chhawp chhuah chu a ni bik hauhin ka ring lo a. Ṭum dang anga kan vangkhaw dung leh vang, mawi tak mai, cham pûta an dah hrin nghalh ang kha kan beisei laiin ṭhuihhruai a rawn nei tel tlat mai a, kan phu nasa bawk a niang kan phun nasa hle mai!
Damlo te'n ngai an awh hian hma an sawn lo a ni an ti ṭhin a, ngai renga kan kal pet pet avang hian kan sawi ve chhen #development leh #progression hmuh tur a vang reng bawk a ni.
A ṭumkhat nan Mizo thuam hrang hrang, mawi tak tak, hmuh mai tur pawh awm tawh lo, kan hnam ro hlû te chu Mizo Photographers'Society Kût Lady te'n Calendar-ah an rawn chuankai pui ta vâ vâ mai a...a ṭhen tan chuan #Model an nih laiin a ṭhen tan chuan #Usher te an ni phah ta nawk a!
Mizo Photographers'Society te hian an kutchhuak zingah pawh an hlut leh ṭha an tih em em te an phawrh chhuak ve bawk a, mahse a concept a chiang ta lo chuan rualpawl loh hlauh vangin nuih tur leh post chhawn tur kan zawng ruai a, in dem theih phei chu a ni law...
Mizoram mawina kum tam tak kan lo hmuh tawh te kha hmu ning lo mah ila, Zo- hnahthlak te inthuamna, ṭhangthar zawk te'n kan hriat tawh loh te chu rawn tarlang thar lehin kan ram thlalak mawi tak tak nen Calendar siam tuten an rawn dah kawp a, famkim chu ni lo mahse famkim lo kan ti phal bik lo.
Thiamna a sang zel a, mi thiam kan pung a, a aia mawi leh ṭhaa siam dan hria pawh kan pung hluaia mahse kan sawisel a nih pawhin hmasawnna tur te, ruahmanna ṭha zawk te chhawpchhuak ila, a lehpeka ngaihdan(idea) thar thawh tur te tan pawh a inthlahrunawm khawp a sawi chhetu nih loh hram i tum ang u. Tin, ruahmanna siam tute pawhin kan tih dik tawk lohna lai te, ṭan lak kan ngaihna lai te pawh rilru zau takin lo dawngsawng ila a va ṭha dawn khep khep em.
He Calendar-a ram thlalak leh nula din tir kha a 'theme' a ni lo tih hria kan khat pharh mai hi a chhangchhiat phahna lai niin ka hria...
Mahse, nang chuan i hre turah kan ngai e😊
Ka sawi ta sa sa, kan hnam incheina te kha a ṭhen kan tarlang ang e-
#January - Bâwm Hnam incheina
#February - Ralte incheina
#June - Kawkpui Zik Zial leh Hmarâm
#July - Kawrchei /Puanchei
#August - Simhrin hnam incheina
#September - Paite hnam incheina
#October - Pâng hnam incheina
#November - Lâi incheina
Tin, heng hnam kawr kim taka nei tura nasa taka hma latu Rûnmawi, College Veng te hi kan sawi lang lo thei lo. A mamawh apiang tan pawl leh mimal ang pawhin a hawh(rent) theih reng a ni.
Kan lawm e