Top News - Përballja Depp-Heard së shpejti në ekran! Gati filmi për procesin më të ndjekur gjyqësor

Gjyqi i Amber Heard dhe Johnny Depp do të marrë shumë shpejt trajtën e një filmi. Skenarin, për përballjen më të ndjekur gjyqësore që mbajti mbërthyer amerikanët pas ekranit do ta shkruajë autori i “Late Night Ëith Conan O’Brien”, Guy Nicolucci, ndërsa Sarah Lohman, e cila ka drejtuar “Lifetime’s Secrets in the Ëoods”, do të jetë gjithashtu pjesë e këtij projekti.
Ndërkohë, Melissa Marty do të shfaqet si avokatja e Depp, Camille Vasquez dhe Marry Carrig do të luajë rolin e këshilltares së Heard, Elaine Bredehoft.
Ylli i “Pirates of the Caribbean” paditi ish-gruan e tij për shpifje lidhur me një rrëfim të saj në Washington Post në vitin 2018, ku ajo foli rreth përvojave të saj me abuzimin në familje.
Edhe pse emri i aktorit 59-vjeçar nuk u përmend në artikull, avokatët e Depp argumentuan se këto akuza ishin drejtuar rreth tij. Johnny Depp mohoi kategorikisht se kishte qenë i dhunshëm me Amber
Pas një procesi gjyqësor gjashtë-javor, i cili u transmetua drejtpërdrejt në YouTube dhe që u ndoq nga miliona njerëz në mbarë botën, juria doli në favor të Depp duke i dhënë 8 milionë dollarë nga 50 milionë që kërkoi si dëmshpërblim.
Ndërkohë, aktorja e “Aquaman”, Heard, fitoi një nga kundër-paditë e saj dhe iu dhanë 2 milionë dollarë nga kundërpadia prej 100 milionë dollarësh.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#JohnnyDepp#AmberHeard#TopChannel