Ermənilərin növbəti təxribatı, antiterror əməliyyatı başlaya bilərmi? - Fuad Əliyevlə CANLI gündəm

Əsgərimizin erməni quldurları tərəfindən öldürülməsinə Azərbaycan necə reaksiya verəcək? Antiterror əməliyyatları başlaya bilərmi? Müdafiə Nazirliyi gecə məlumat yaydı ki, ermənilər sərxoş halda bir-birinə atəş açıb, 9 nəfər yaralanıb.
Bu işdə Azərbaycan hərbçilərinin heç bir müdaxiləsinin olmadığı bildirilir. Rusiya MN də məlumat yayıb ki, oktyabrın 13-də Sərsəng su anbarının ərazisində, Suqovuşan-Kəlbəcər marşrutu ilə hərəkət edən Azərbaycanın tikinti texnikası karvanı atəşə tutulub. Bu Rusiya Müdafiə Nazirliyi xəbər verir.
Oktyabrın 15-də isə səhər saatlarında qanunsuz erməni silahlı dəstəsinin üzvləri tərəfindən mülki tibbi yardım maşınından istifadə etməklə Ağdərə istiqamətində bölmələrimizə qarşı növbəti terror-təxribat cəhdi qeydə alınıb.
Müdafiə Nazirliyindən verilən məlumata görə, hərbi qulluqçularımızın sayıqlığı və görülən tədbirlər nəticəsində bu cəhdin qarşısı alınıb və maşında hərəkət edən silahlılar geriyə dönməyə məcbur ediliblər.
“Bildiririk ki, mülki tibbi yardım maşınından hərbi məqsədlər üçün istifadə edilməsi qəti yolverilməzdir, terrorçulara xas olan metoddur və beynəlxalq humanitar hüquq normalarının kobud şəkildə pozulmasıdır. Bir daha xəbərdarlıq edirik ki, istənilən terror-təxribat xarakterli fəaliyyətlərin qarşısı tərəfimizdən dərhal və qətiyyətlə alınacaq”, - deyə MN-in məlumatında bildirilir.
Bu gərginlik Qarabağda yaşayan erməniləri də çox qorxudur və onlar gələcəkləri üçün daha çox narahat olmağa başlayıblar. Bu narahatlıq əsaslıdır. Qarabağdakı erməni separatçıları tərksilah olunmayınca vəziyyət gərgin olaraq qalacaq.
Prezident İlham Əliyev isə Müstəqil Dövlətlər Birliyinin Dövlət Başçıları Şurasının videokonfrans formatında keçirilən iclasındakı çıxışında bir daha bildirib ki, Qarabağ münaqişəsi keçmişdə qaldı, Azərbaycan münaqişəni hərbi yolla həll etdi. Amma görünür ki, ermənilər təxribatlarını davam etdirirlər. Ermənistanın “Hraparak” qəzeti isə yazır ki, ermənilər “artsax”ı tərk edirlər. Bu gün TVMusavat-ın canlı yayınında Azərbaycan Liberal-Demokrat Partiyasının sədri Fuad Əliyevlə Qarabağ baş verənləri təhlil edirik. Müzakirələrə tamaşaçılarımız da qatıla bilər.

[faigshirinov]

Bizim snayperimiz yoxdurmu? Niyə cavab vermirlər? 1-ə 10 əvəz edilsin.