Bie zjarr në barakat e romëve, i bëjnë apel shtetit për strehim-(20 Shkurt 2005)

Lajme Arkiva 2005

Një zjarr i rastësishëm ka përfshirë barakat ku banonin katër familje, duke lënë në qiell të hapur banorët e tyre në fund të rrugës ‘5 Maji’ në periferi të Tiranës.

Komuniteti që banon në këto baraka kërkon ndihmë nga mini-Bashkia dhe shteti, pasi zjarri ka shkatërruar gjithçka që ata kishin.

Banor i komunitetit rom: “Ne kërkojmë një farë ndihme të vogël nga Bashkia, sepse këtu janë djeg katër familje. I pesti, pesë ,dmth ka përfundu, dmth ka shpëtuar i pesti. Po tashi për tashi, katër familje janë djegur. Katër shtëpia. Që rrimë jashtë, nuk kemi ndihmë. Që ne jemi fare fare tashi. S’kemi vetëm rrobat që kemi vesh, asnjë gjë tjetër.”

Banor i komunitetit rom: “Vetëm me u fut në Bashki me fjet.”

Banor i komunitetit rom: “S’ke. Me flejt këtu, e bëjmë hallall se s’kemi as krevat me flejt këtu. Por, jemi me kalamaj të vegjël. Shife. Janë kalamajt e vegjël, shihe, që kam unë.”

SUBSCRIBE to “RTV KLAN” on YouTube for more videos!