Қочқинлик ҳужжатига эга ҳуқуқ фаоли Қирғизистонга киритилмади

Ўзбекистонлик таниқли ҳуқуқ фаоли, “Тонг Жаҳони” миграция лойиҳалари директори Валентина Чупик Қирғизистонга киритилмади ва “Манас” аэропортидан қайта Россияга чиқариб юборилди. Озодлик билан суҳбатда ҳуқуқ ҳимоячиси аэропорт ходимларини унинг қўлидаги “қочқинлик” ҳужжати қўрқитиб юборганини гапириб берди.

14 март куни таниқли “мигрантлар ҳимоячиси”, асли тошкентлик ҳуқуқ фаоли Валентина Чупик Қирғизистонга киритилмади.

Озодлик билан суҳбатда у Бишкекка “Каритас” хайрия ташкилоти семинарида иштирок этиш учун борганини сўзлаб берди.

“Мен тонг саҳар соат 4:50да "Манас"га қўнганимдан ҳақиқий афсонавий “эпос” бошланди!”, дея кулади “Тонг Жаҳони” ташкилоти директори.

- Мен чегарачи ёнига келиб, унга ўзимнинг “Қочқиннинг йўловчи ҳужжати”ни топширдим. У умрида бундай ҳужжатларни кўрмаган, кўринади! Бирдан у ҳужжатимни олиб кабинасидан отилиб чиқди ва қаергадир чопа кетди. Мен ундан нима бўлганини сўрасам “Мен каттани қидираяпман!”, деди. Яна бир чегарачи ҳужжатимни ҳар томонидан кўриб чиқди, кейин мендан қочқинлик гувоҳномасини ҳам олиб, яна югуриб чиқиб кетди. Ниҳоят уни ортидан қувиб етдим ва нима бўлаётганини сўрадим. “Сиз фуқаролиги йўқ шахссизку – сизга виза керак!”, деди. Мен ҳужжатларни очиб, Ўзбекистон граждани эканимни кўрсатдим. “Йўўўўқ! Қочқинларда гражданлиги бўлмайди”, эди менга берилган жавоб, деди Валентина Валентиновна.

[ТаалайбекСадырбаев-мы]

Политика есть Политика, Валентина Чупик, помогала многим кыргызстансам. Могли оставить и дать политической убежище.

[hoshimbek]

Савол тугилади Доно Озодлик редактори ва мухбирларига - Айтингчи Россия фукороси булса кандай кочкин хисобланади? Яна Узбекистонда яшамаса ва Узбекистонда иккинчи фукоролик булмаса Узбекистон фукоросиман деб хужат курсатиш. Бу хужатлар буйича фрибгарлар каторида булади ва хибисга олишлари мумкин эдику-А?