Ora News - Katër viktima nga Covid, në dy spitale 173 pacientë të shtruar, 6 në intubim

#tvora #rtvoranews

Katër të vdekur dhe 132 raste të reja pozitive me koronavirus është bilanci i 24 orëve të fundit në vendin tonë.

“Me gjithë përpjekjet e mjekëve, e kanë humbur betejën me COVID19 një 66 vjeçare nga Kukësi, një 69 vjeçar nga Kurbini, një 70 vjeçar nga Elbasani dhe një 72 vjeçar nga Tirana” njoftoi Ministria e Shëndetësisë dhe Mbrojtjes Sociale.

Në 24 orët e fundit janë kryer 817. Rastet ditore të identifikuara si rezultat i gjurmimit, testimit dhe hetimit epidemiologjik janë si vijon:

24 raste në Tiranë, 15 në Gjirokastër, nga 10 raste në Korçë, Elbasan, nga 8 raste në Krujë, Lezhë, nga 7 raste në Shkodër, Durrës, nga 6 raste në Kukës, Berat, nga 5 raste në Dibër, Malësi e Madhe, nga 3 raste në Has, Pustec, nga 2 raste në Kavajë, Pukë, Tropojë, Pogradec, Bulqizë, nga 1 rast në Lushnje, Vlorë, Kamëz, Mat, Maliq.

Ndërkohë 55 qytetarë e kanë fituar betejën me virusin dhe janë shëruar,

Në dy spitalet Covid po trajtohen 173 pacientë, 15 në terapi intensive, prej tyre 6 në intubim.

Follow TV Ora dhe RTV Ora News