Роза Аманова - Ынтымак

[Alllllllllllllli-ye]

Оо, калайык, калың журт, Ооматың келди бакыт-кут.

Кайрылам кары-жашыңа, Каалоомду, сөзүмдү ук!

Кылымдар келген айтылып, Кыргыздын кымбат аты улук.

Бир кезде коога заманда, Бириндеп кеткен чачылып.

Багына кыргыз элимдин, Баатыры Манас туулуп, Баштарын кошкон чакырып. Абасы Бакай, Кошойду, Алдына жүргөн баш кылып. Ошол акылмандардан

калган сөз,

Аталардан алган сөз. Адал эмгек, ак ниет, Ар инсанга балбан сөз. Алла таала жараткан, Ак дилиңе салган сөз. «Ырыс алды ынтымак» Ырахатка канган сөз. Ынтымак-ырыс бирдикке, Ыйман, бак-таалай энчилеш.

Береке, байлык, бирдикти, Топтоштурган ынтымак. Бетме-бет каршылашканды, Достоштурган ынтымак. Акыйкатты, чындыкты, Окшоштурган ынтымак. Бейбаш, бейжай жаңжалды, Токтоттурган ынтымак
Жакшылыкты, кубанчты, Жандап жүргөн ынтымак. Жаш-карыга биримдик, Арнап жүргөн ынтымак. Жамандыкты жанынан, Айдап жүргөн ынтымак. Жадыраган мемиреп, Жайдай болот ынтымак. Жан-жаныбар баарына, Балдай болот ынтымак. Жанып турган жаркырап, Шамдай болот ынтымак. Жактырбаган чыр жерге, Барбай коёт ынтымак. Ойлогонду, максатты, Орундатат ынтымак. Оомийин деп аттансаң, Жолуңду ачат ынтымак.

Ынтымагы жок жерде, Ыймансыз ишиң жарытпайт, Ырбаган жараң айыкпайт. Ысык дос, жолдош алыстайт, Ынтымак жакшы,

ырк жакшы, Ынтымактуу журт жакшы. Кадырлашкан калк жакшы, Каада, урмат, салт жакшы. Карадан көрө ак жакшы, Кашаңдардан бат жакшы. Камчыга добул сап жакшы, Карыны ток, кайгы жок, Калк жыргаса жапжакшы.

[Sglyntyn]

Ма Ша Аллах коз тийбесин сонун ырдайт экенсиз мен дагы сиздей болуп ырдап кетейин буюрса Ин Ша Аллах баардыгы бир гана жалгыз Аллахтын каалосу менен болоткоз тийбесин келечегибиз кен болсун буюрса ИнШа Аллах🤲🤲🎉❤

[АйнураАйткулова-гч]

Эң сонун, Барпы акындын сөзү, Розага баракелде ийгилик

[Окунучтуу]

Ырынан да чыры коп болуп элдин конулуно поктой тийди бул аял.

[ГульназБактыбекова-кч]

Ушул ырды текстин кайсы жерден тапсак болот???