SAITLAW HAW RUNPUI , 6-7 April, 2022

Saitlaw khua hi ka nu-te khua a ni a. Ram a lo buai khan Saitlaw khua chu Hmunpui khuaah sawikhawm (Grouping) an ni ta a. Eng emaw chen an rauhsan hnuah ram buai-te a lo ziaawm hnuah thenkhat chu an let leh a. Ka nute erawh let ve tawh lovin Hmunpui khuaah hian an inbengbel zui ta a ni.

Hun kal zelah keini pawh Hmunpui khua hi chhuahsanin 1989 kum tirah Aizawl-ah kan pem ta a. Amaherawhchu, nu leh pa, pi leh pute seilenna khua a nih avangin Saitlaw hi kan lam ve reng a. Tum khat chu naupang te, kum 10 mi pawh ka la nih hma leh Hmunpuia kan la awm laiin Saitlaw-ah hian ka va zin ve tawh nghe nghe a ni.

Sawi ang khan nu leh pa, pi leh pute hian an seilenna leh nuam ti taka tual an lo chai tawhna hmun hi an ngaih a bang lo va, a huho lo pawhin mi mal, a hman remchang hian an va tlawh zauh zauh tawh a, sulhnu chhuiin lungleng takin hun an va hmang thin a ni.

Chutiang taka an ngaih leh an lunglentu a nih avang chuan mahni maia va tlawh thin chu duh tawk lovin tun thla, April ni 6 leh ni 7, 2022 khan 'Haw Runpui' hun an siam ta a. He hunah hian mi 40 vel lai an kal thei a, hun hlimawm tak an hmang a ni.

WhatsApp Group lama an rawn dah video leh thlalak ka neih ang ang hmangin video ka'n siam ve a, tawi te chu ni mah se, dah that atan kan upload ve hrim hrim a ni e.

[pclalfela]

Saitlaw hi kanu te an awm thin a sin le, asawi fo thin.

[hruaitluangahrahsel]

Ka pu te hi Saitlaw khaw chhuak an nia...Hortoki ah an pem a chumi hnuah Kawnpui ah.Hei lah kan chhungte ho hlir hlir lah ni a😂

[madikathomtekeivom]

Chaw hlang an ei ami... Chawhmeh ava lang silo ve a

[hmarngurte]

A khawthleng hi arem vaklo animaw..kal ve ava chakawm ve aww..hortoki atang in km engzatnge

[chanachawngthu]

👍 saitlaw ah hian ka la pem ang.an phal chuan..