DD News Mizoram - Chanchinthar | 9 September 2024 | 6:30 PM

HEADLINES:

1. Home Minister Pu K. Sapdanga hova dan leh thupek kengkawhtu thukhawm chuan, hunpui vuakvet lo thleng turah khauh lehzuala dan leh thupek kenkawh an rel.

2. PC Party chuan, Mizoram sorkarin Minister leh Minister tlukpui mimal in cheina atana mipui sum cheng nuai 110 a hmang tawh nia lang chu, uchuak taka mipuite sum khawh ralna ah an ngai tih an sawi.

3. State Transport Authority, Mizoram chuan lirthei chuan man dik taka hman a nih theih nan, hmalakna hmasa atan Aizawlah Online hmanga lirthei koh theihna a kalpui dawn.

4. Mizoram Private Ambulance Association chuan sorkarin ruang phurh dan tur rate chuangchangah siamrem ngai a awm nia an hriat avangin Minister hmuh an tum thu leh tun dinhmunah an rate kalpui mek hman rih an tum tih an sawi.

5. Deputy Speaker, Pu Lalfamkima Kolasib Bialtu MLA ni bawk chuan vawiin khan Kolasib, Venglai East ah Urban Health & Wellness Centre Building sakna tur hmunhma a enfiah.

6. Mizoram Legislative Assembly 9-na a 'Committee on Papers Laid on the Table' chuan vawiin khan Speaker hnenah an report hmasa ber an thehlut.

7. Khawvel puma ni pawimawh, ziak leh chhiar thiam pawimawhzia inzirtirna ni, International Literacy Day pualin vawiin khan Aizawlah hun hman a ni.

8. Faina leh thianghlimna kawnga kumtina hmalakna, Swachhata Hi Seva 2024 Campaign kalpui dan tur chungchang vawiin khan district thenkhatah bawrhsap hoin sawiho a ni.

9. Prime Minister Narendra Modi leh Abu Dhabi Crown Prince Sheikh Khaled Bin Mohamed Bin Zayed Al Nahyan ten New Delhi-ah ram pahnih inlaichinna tihngheh dan tur an sawi dun.

10. Jammu and Kashmir Union Territory inthlanpui atan inbuatsaihna neih chho mek a ni.

11. Company tenau zawkte hmasawnna tehna MSCI Markets Investable Market Index-ah India in China a lehpel.

12. Union Finance Minister Nirmala Sitharaman in New Delhi-a GST Council thutkhawm vawi 54-na a kaihruai.

13. Indian Army leh Indian Air Force ten Indian Railways Gati Shakti Vishwavidyalaya nen inremna an ziak.

14. External Affairs Minister S Jaishankar chu vawiin khan Saudi Arabia khawpui Riyadh-a India Gulf Cooperation Council Foreign Minister thutkhawm hmasa berah a tel.

15. Sorkarlaipuiin State tinte Mpox kai nia rinhlelhte finfiahna nei turin a hriattir.

Follow DD Mizoram:

[nusenivarte]

Puangthiam mange aw, dam reng ang che.❤

[papuiafanai]

P.C party hi rulling diklo tak a kal tur, khalh ngiltu atan an tha tlat.

[CVanlalmawia]

Pc hochu lung anti leng zawk e. Dikna tanin kalzel ru.🤝👍

[Aizawlskew]

Annni pawh Halpuah khap leh bawk maw..Thalaite hi an va hip lo sawt tak em...

[pekiralte]

Engpawh sorkar se... In sel vakvak hi kan uar alo nih hi. Midang sawisel tur hian mahni hi kan dik em tih hi iin zawt hmasa thin ang u...

[Terema-zlnb]

Tinge sorkar hian atum ve ngawt na chhan tur mizoram hian lei ba a ngah tawh tehreng nen

[ThlangkhualaKhuala]

Eptu party lam mnf congres MPC te hian zpm sorcar selna tinreng in bei mah se aruhkol chin bak mi leh sa an neih hmel tawhlo

[pcvanlalkhuma]

Engpawh ni se khap hi chu a bawhchhe hrem awm lo thin a vang hian bawhchhiat a hlauhawm lo thin a sawrkar kalta khap ang hne hne lo deuh a ni tur ah ngai phawt ang

[cnitea]

An khap ve ziah a, a hlawh tlin lohzia an hre/hmu ve reng sia! Tih dan tha zawk te hi a awm ngang lo nge? CYMA leh Kohhran pawh min an thu zawm turah an ngai a, an zawm loh zia chu nikumah khan alang chiang hle. Cyma, kohhran pawh an mualpho hlein alang, mualpho intihna erawh an nei pha lo mai pawh a.

[lalramlianahnialum]

He tianga pasisa dik lo taka hman hi, ZPM ni mah i la tha ka ti lo tawp mai

[ThangaThanga-me]

Keipawh ZPM chu kani ve lawm mahse hruih hlo hi an tih rem theih Chuan zoram tan aitha awm leh thei dawn em ni,