DD News Mizoram - Chanchinthar | 13 November 2024 | 6:30 PM

Показать описание

HEADLINES:

1. Chief Minister Pu Lalduhoma hovin Mizoram Resource Mobilization Committee (MRMC) te chu CM Conference Hall ah an thukhawm a. An rawtna sawrkarin a bawhzui tawh chin te leh sub committee te atanga rawtna lut tharte an thlirho.

2. Home Minister Pu K.Sapdanga chuan misual leh dan bawhchhia te hremna dan thar hman a nih theih nan Mizoram Sorkar chuan theihtawp a chhuah tih a sawi .

3. Power & Electricity Minister Pu F Rodingliana chuan Mizoram sawrkâr chuan kum khat hmel pawh la hmu lo mahse , sawrkar laipui puihna nen kawlphetha M.W 3500 chuang thar chhuak thei a nih thu a sawi .

4. Rural Development Minister Prof. Lalnilawma chuan Bio-fuel chungchanga Pollution Control Board, Assam leh PHD Chamber of Commerce and Industry-in Assam Administrative Staff College, Guwahati-a Seminar an buatsaih chu sawm a nih angin a telpui.

5. Aizawl South II Bialtu MLA Pu Lalchhuanthanga chuan ram hmasawnna hnathawhte, hun tiam chhunga thawh zawh loh a tam thin lutuk chuan sawrkar bakah a chhawrtu mipui nunphung a ti buai thin tih a sawi.

6. National Disaster Management Authority, State leh District Disaster Management Authority tangkawp buatsaih in naktuk khian chhiatna hrang hrang thlen thulha chet lak dan enchhinna Mock Drill neih a ni dawn .

7. AH & Vety. Minister Pu C.Lalsawivunga hovin vawiin khanSawrkar flagship programme 'Hand Holding Scheme' hnuaia AH & Vety. Department kaltlanga pilot phase hmalaknate sawi ho a ni.

8. Mizoram Youth Commission Pu Malsawmzuala Ralte chuan National Skill Development Corporation Office, Greater Noida a an hotute kawmin Mizo thalai te hna thawh tur hrang hrang a sawipui

9. Mizoram ei leh bar lakluhna kawngpui National highway siam that hna thawh tan mek chungchangah Kolasib District Bawrhsap hovin thutkhawm neih a ni a, tha thei ang bera siam a pawimawh thu tarlan a ni.

10. Mizoram Larsap Dr. Hari Babu Kambhampati chuan vawiin khan Ministry of Development of North Eastern Region (DONER) leh Federation of Indian Chambers of Commerce & Industry (FICCI) te tangkawp buatsaih Northeast Trade and Investment Roadshow, Park Hyatt, Hyderabad-a neih chu a hmanpui.

11. Prime Minister Narendra Modi-a'n vawiin khan Bihar-ah hmasawnna hnathawh tur cheng vbc. 12100 hu lungphum a phum a, chung zingah chuan AIIMS Darbhanga a tel.

12. Ministry of Home Affairs chuan Central Industrial Security Force (CISF)-a hmeichhe hlang awmna tur, battalion hmasaber dinna tur a pawm.

13. Venhimna khauh tak hnuaiah Jharkhand Assembly inthlan thawh khatna neih a ni a, tlai dar 3 thleng khan khan vote zaa 59 a tla tawh.

14. President Droupadi Murmu chuan tourism lama hmasawnna chuan thalaite tan eizawnna kawng tam tak a hawn a ni, a ti.

15. External Affairs Minister Dr. S Jaishankar chuan vawiin khan New Delhi-ah Saudi Arabia Foreign Minister Prince Faisal chu ram pahnih thawhdunna tur kawng hrang hrang a sawipui.

16. Information and Broadcasting Ministry Secretary Sanjay Jaju chuan Gaming leh Entertainment Industry tih hmasawnna kawngah sawrkar laipuiin chak takin hma ala a ni, a ti.

17. UNICEF chuan Pakistan khawchhak lama Punjab province boruak bawlhhlawh lutuk chu naupangte hriselna atan a hlauhthawnawm tih a sawi.

18. US President atana thlan Donald Trump chuan National Security Adviser atan Mike Waltz a thlang.

Khawchin:
Minimum : 18.0 °C
Maximum : 27.0 °C

Follow DD Mizoram: