Catania figghiozza do patri eternu con testo

Показать описание

" testo e musica di ANTONIO ZAPPALA'
Catania di notte
iu sento co cori
c'ha batti chiu fotti
Nde strati, nde chiazzi e indria i cuttigghi
catania fa a matri e annaca i so figghi
poi l'alba d'argento s'ammisca co mari
catania i a genti ca si busca u pani
ma quannu s'arrobba e si isunu i manu
catania si incazza e diventa vulcano
Catania è na pupa, capiddi castani, labbra carnusi e l'occhi ruffiani
e quannu mi sape luntanu du iorna
ca so vuci d'angelo mi rici torna
catania umiliata
trattata che peri
s'attrucca e si pettina pe furasteri
e quando ca ngondra du ziti filici
catania romantica li binirici

musica c'è musica catania balla
restu ca bucca aperta a taliarla
chi bellu pettu, chi formi, catania ca non dormi
musica chi musica catania sona
e si ndo menzo quarchirunu stona
fa na battuta schirzusa, catania spiritusa
Che bedda catania, catania di notte
cu attracca, cu bivi, e cu fa cosi storti
catania è pueti, finomini e geni
gilusa picchi ri nuautri ci teni
catania cu suli macari ndo nverno
catania figghiozza do patri eternu
si porta a braccetto l'amicu liotru
tra uduri di chiummu, di zagara e cidru

musica c'è musica catania canta
tutti co saccu sta passannu a santa
guarda catania che lesta, cu l'abbiutu da festa
musica chi musica catania ardita
o stadiu soffri e vinci a so partita
stanca c'ha bruciunu l'occhi
s'appinnica nde scogghi
catania da guerra, catania urricata
discriutta e pi setti voti rinata
non centrino i soddi, non c'entra a fottuna
catania ndo mundu, cinnè, sulu una